I always want to protect you
So that even the small things won't tire you out, I'm eternally in love
As your guardian, I will block the stiff wind
Even though people turn their backs to you
If I could become the person
Who can wipe your tears on a tiring day
It will be paradise.
Angel by EXO (English Sub)
Monday, uwian nila Laura sa office.
Parang kahapon lang ay na-meet niya ang guwapo at chinitong Richie Rich Kid na bestfriend ni Laura na si Yuan Sy. Pero heto sa office nila Maya at Laura ay inabutan na naman niya si Yuan.
"Hi,bro!" Nakangiting bati ni Yuan na dinatnan pa niya'ng nakaupo sa ibabaw ng desk ni Maya. Kumaway pa nga ito sa direksyon nya. Tumango lamang siya at gumanti ng isang kaway dito pero hindi niya magawang ngitian ito, hindi naman dahil sa badtrip siya rito pero ... suplado lang talaga siya sa personal.Hehe.
"Hi,Philip,"
Lumapit siya sa desk ng nobya na tumayo na sa swivel chair nito pagkakita sa kanya. Pagkalapit ay dinampian niya agad ito ng isang halik sa pisngi.
"Saan mo gusto mag-dinner?" Malambing na tanong niya rito. Hindi agad ito nakasagot pero nakita niya sa mukha nito ang bahagyang pagkabalisa.
"Is there something wrong?"Takang tanong niya kay Laura.
"Errr... kasi ... nag-aya sila Yuan kumain sa Viking's," nahihiya pang wika ni Laura sa kanya. Saglit siya'ng nawalan ng kibo. " Kung gusto mo sumama na lang tayo sa kanila," suhestyon pa ng nobya.
"Pero kung me lakad naman na kayo Philip, okay lang kahit kami na lang ni Maya ang matuloy," singit na naman ni Yuan sa usapan. Nilingon niya ito.
"Nope okay lang,sasama kami ni Laura, matagal na rin kasi nung huling nagpunta ako sa isang buffet style na restaurant," kaswal lang na wika niya wala pa ring kangiti-ngiti sa mukha.
"That's good! Oh paano ba 'yan Laura pumayag na si Philip hindi ka na pwede tumanggi," wika naman ni Maya na lumapit pa sa desk ni Laura. Ngumiti lang dito ang babae.
"Tara,ano pa'ng hinihintay natin!Umalis na tayo ng makarami ng kain!" Excited na wika ni Yuan sa kanila. Tumayo na rin ito mula sa pagkakaupo sa desk ni Maya. Sinukbit naman ni Laura sa balikat niya ang color pink na shoulder bag niya.
"Let's go, Philip," aya na rin sa kanya ni Laura, hinawakan na rin siya nito sa isang braso niya.
"Okay," Pormal na sagot niya.
Sa loob ng isang buffet restaurant ...
"Alam nyo ito ang isa sa mga namiss ko noong nasa Belgium ako, grabe! Eat-all-You-Can!" Namimilog ang mga mata ni Yuan na nakatingin sa iba't-ibang klase ng pagkain na nakapwesto sa buffet table na nasa gitnang bahagi ng restaurant. Ito pa talaga ang unang kumuha ng plato at excited na kumuha ng mga nagustuhan nito na ulam. Sinundan naman ito ni Maya na napapailing dahil sa nakikitang childish side ng bestfriend nila.
Nalula naman si Philip sa dami ng kinuhang pagkain ni Yuan.
"Mauubos ba niya 'yan?" Tanong at bulong niya kay Laura na nasa gilid lamang niya. Tipid na ngumiti ito at tumango.
