தொலைபேசி அலர காதில் வைத்தாள் திவ்யா.
"ஹாய் அண்ணி, என்னை நினைவு இருக்கிறதா??" என்று கோபத்துடன் கேட்க,
"உன்னை மறப்பேனா ஸ்வர்ணா?? சரி திருமண ஏற்பாடெல்லாம் எப்படி போகுது??"
" ஷாப்பிங் கொஞ்சம் போகனும். Beauty பாலர் போகனும். உங்க கூட தான் அண்ணி போகனும். அண்ணனிடம் நான் சொல்லி லீவ் போட்டு விடுகிறேன். Will you come?? " என்று உரிமையுடன் சொல்ல,
அவளும் "சரிமா. நான் வருகிறேன்" என்று கூற,
"என் திருமணத்திற்கு இன்னும் 4 நாட்கள் தானே இருக்கு. வீட்டுக்கு வர வேண்டும் என்று கூட தோன்றவில்லையா அண்ணி?? திருமணத்திற்கு பின் நான் கணவனின் வீட்டில் தானே இருப்பேன். இனி எப்படி உங்களை சந்திப்பேன்? " என்று கவலையாக கூற,
"திருமணத்திற்கு முன் கணவன் வீட்டுக்கு போதெல்லாம் நல்லதல்ல. காண்போர் ஏதும் சொல்வார்கள் என்று என் பெற்றோருக்கு பயம். அதுதான் வரவில்லை கண்ணா. இல்லாவிட்டால் உன்னுடன் காலத்தை செலவழிக்க எனக்கு விருப்பம் இல்லாமல் போகுமா? "
" ஐயோ, இதெல்லாம் ஒரு காரணமா? அதெல்லாம் பழைய ஆட்களின் பழைய கருத்து. Now we are new generation. என் நண்பியாக சரி வாடி." என்று சொல்ல, திவ்யாவிற்கு ஒரு மாதிரி ஆகிவிட்டது.
" நாளைக்கு வருகிறேனே, நேரம், இடத்தை பார்த்து சொல்லுடி " என்று கூற,
நன்றி கூறிய ஸ்வர்ணா அழைப்பை அணைத்தாள்.
மதியுடன் சிற்றுண்டிச்சாலையில் தேநீர் அருந்தும்போது,
" என்னடி, dull ஆக இருக்கிறாய்? "
" ஒன்றுமில்லையடி" என்றாலும் திவ்யாவின் கண்கள் கலங்குவதை காண துடி துடித்து போனாள் மதி.
" சொல்லுடி, ஆதி ஏதும் சொன்னனா?" என்று கேட்க,
" இன்று மேசையில் வேலை செய்து கொண்டிருக்கும் போது எனக்கு தூக்கம் வந்து, அப்படியே தூங்கிவிட்டேன். எனக்கும் ஆதிக்கும் கல்யாணம் போல் கனவு கண்டேன்."
" எவ்வளவு நல்ல கனவு? அதற்கு போய் அழுகிறாயா?"
" கண் திறக்கும் போது ஆதி நின்று இருந்தான். பகல் கனவு பலிக்காது என்று கூறினான்டி" என்று கண்ணீர் வடிய,
" டி, லூசா உனக்கு?? ஆதிக்கு நீ என்ன கனவு கண்டாய் என்று தெரியாமல் அவன் சும்மா சொல்லி இருப்பான். நீ வேற. ஏன்டி negative ஆக யோசிக்கிறாய்?? "
" முன்பு போல் அவன் என்னுடன் பேசுவதில்லை. Busy busy என்று கூறுகிறான். தனது வருங்கால துணைக்கு ஒரு நாளைக்கு 5நிமிடாவது செலவழிக்க முடியாதா? எனக்கு பயமாக இருக்குடி. ஒரு வேளை வீட்டு கட்டாயத்தின் பேரில் தின் என்னை திருமணம் செய்ய போகிறானோ? " என்று புலம்ப,
" என்னடி இது?? உனக்கு பைத்தியமா? இன்னும் கல்யாணத்திற்கு 2 கிழமை தான் இருக்கு. ஆதியின் தங்கையின் கல்யாணம் வேற. அவன் பிசியாக தானே இருப்பான். லூசுத்தனமாக யோசிக்காதே. கல்யாணத்திற்கு முன் அவன் சுதந்திரமாக இருக்கட்டுமே." என்று மதியின் உதடுகள் கூறினாலும்,
ஆதியின் நடவடிக்கை திவ்யாவிடம், கொஞ்சம் யோசிக்க தான் வைத்தது.
" கடவுகளே, அவளின் மனதிற்கு ஏற்றவனை சேர்த்துவிடு. இவ்வாறு வாழ்நாள் முழுவதும் கலங்க வைத்துவிடாதே" என்று வேண்டிக்கொண்டாள் மதி.
أنت تقرأ
சமாந்தர கோடுகள் (முடிவுற்றது)
عاطفيةஅவன் மேல் உயிரே வைத்து இருக்கும் காதலியினதும், அவளின் உணர்வுகளுக்கு அடிமையாகாமல் இருக்கும் ஒரு காதலனினதும் வாழ்வில் என்ன நடக்கும்? என்று கதை தலைப்பிலிருந்து புரிந்து கொள்வீர்கள் என்று நம்புகிறேன். 1st rank in #காதல் 08.07.2019 to 03.08.2019 #3 வலி...
