أوتار الكمان

البارت الثالث

الفتاة:- أنت يا كابتن يا بابا يا عمنا

أدهم و هو يوقف السيارة و يلتفت لها:- إيه رويتر ما تسكتي شوية

الفتاة بغضب و عصبية:- أنا كنت ناقصة بلاوي

أدهم و هو يحدجها بغيظ:-لسانك بدل ما اقطعهولك

الفتاة ببرود:- ده لما تشوف حلمة ودنك

أدهم و هو يهجم عليها ليحصرها في المقعد و يمسك فكها بغضب و يقول:- أنا كلامي يتسمع لأني ما بكررش الكلمة مرتين سامعة

كانت الفتاة تنظر له بذعر و رهبة لينظر لها يتفحص ملامحها القريبة فهي تملك بشرة بيضاء ناصعة و عيون سوداء ساحرة تشبة بحر من الرمال السوداء و رموش طويلة سوداء أيضاً أنفها صغير و شفتيها تأخذ شكل قلب صغير و يعلوها شامة ود لو لمسها وشعرها أسود يغطي عنقها كانت كالبدر فاق من تأمله علي صوتها

الفتاة و هي تتنحح:- لو سمحت أبعد كده مايصحش

أدهم و هو يعود بجذعة لمقعده ليقول بتساؤل :- إيه اللي طلبه منك عشان كده شتمتيه؟

الفتاة بإيجاز:- واحد حقير بيطلب مني "لتصمت و تعض شفتها بقهر و خجل"

أدهم و هو يري حمرة خديها ليعرف طلبه:- خلاص فهمت

الفتاة:- طيب أنا بس حبيت أشكر حضرتك علي موقفك معايا و بس عن إذنك

"حاولت فتح السيارة و لكن أسرع أدهم بغلقها إلكترونياً "

الفتاة بحدة:- أفتح العربية و لو أنت فاكرني بت من إياهم فأنا سبق و قولت إني مش بتاعت الكلام المقرف ده

أدهم و هو ينظر لها بلا مبالاة ليقول بسخرية:-عقلك راح لبعيد أنا بس هأوصلك لبيتك المنطقة دي مافيهاش مواصلات عنوانك

الفتاة بحرج:- سوري و مش حابه أتعب حضرتك بس وصلني لأي موقف

أدهم بهدوء:- زي ما تحبي

قام بتشغيل السيارة لينطلقا معاً دون كلمة

.........................................

طارق بعملية:- و كده يا أوس باشا نكون حددنا كل حاجه خاصة بإنطلاق المجموعة الجديدة

أوس بهدوء:- تمام يا طارق

توليب و هي تعدل أوراق أمامها علي طاولة الإجتماعات:- أوس عايزة أعرف رأيك في آخر تصميمات و كمان زمرد كانت محتاجه تنزل المصنع عشان تأكد علي جودة العاملين و الإنتاج

أوس و هو ينظر لزمرد:- أجهزي يا زمرد و هأخدك معايا أنا رايح المصنع

زمرد بنبرة رسمية لم يعتادها أوس منها:- تمام يا مستر أوس ألم حاجتي و أجي مع حضرتك

أوس و هو ينظر لتوليب:- هأراجع التصميمات أول ما أرجع بس لازم أروح المصنع دلوقتي عشان في مشكلة هناك