أوتار الكمان

البارت الثالث و الأربعون

السلام عليكم و رحمة الله و بركاته أول حاجة عاملين إيه و وحشتوني جدا جدا شكرا للناس إللي أهتمت بمرضي و دعتلي مشكورين جدا على إهتمامهم دا ♥♥.. أتأخرت النهارده لإني بعد ما قولت إني هنزل بارت واحد رجعت قولت لأ هنزل إتنين عشان في ناس قمرات بصراحة يستحقوا إني أسهر عشانهم فدا بارت طويل و  شوية و هنزل التاني بس أحط فيه اللمسات الأخيرة عشان يبقى سلس في القراءة و تستمتعوا بيهم طبعا ما تنسوش تتفاعلوا لو عجبكم البارت سواء بڤوت أو كومنت لإن دا إللي هيقرر إن هتابع بعد كده تنزيل روايات أو هأكتفي بدي بس دمتم بخير😘😘♥

البارت الثالث و الأربعون

سعاد بضيق :- لأ بقى ماهو مش كل يوم و التاني سفر

آسية بهدوء :- يا ماما يا حبيبتي أنا مسافرة لشغل مش مسافرة أدلع ما تتكلمي يا خالتو

رقية و هي تلقي نظرة على ملامح أختها العابسة لتبتسم لها و هي تردف بلطف :- سعاد أنتِ كان نفسك تتعلمي و تشتغلي بس أبوكي بقى الله يسامحه وقف في وشك و قالك البت مالهاش إلا بيتها و جوزها و عيالها و قعدك في البيت .. شوفتي أنتِ ساعتها أتقهرتي إزاي بس ربنا عوضك و أنعم عليكي بزوج حافظ عليكي لأ و كمان حقق معاكي أحلامك و خلاكي تخلصي تعليمك بعد جوازكم و كان عايزك تشتغلي بس أنتِ وقتها إللي رفضتي و قولتيله إن بيتك و ولادك أولى بوقتك .. يبقى ليه عايزة تقفي في حياة واحدة من عيالك كده ؟!

سعاد بعصبية :- أيمن كان عايزني أشتغل قدام عينه لكن دي بنت و عايزة تسافر بلد تانية لوحدها أنا وافقت مرة بس مش هأعملها تاني

آسية و قد ضاق صدرها لتقول بعصبية لأول مرة في وجه أمها :- أنا مش عارفة هتفضلوا تتحكموا في حياتي لحد أمتى حرام عليكوا بقى سيبوني في حالي أنا تعبت والله العظيم تعبت

" تحركت و دموعها تسيل لا تعرف لما فعلت ذلك و لكنها تشعر بالعجز كل شيء مسلوب منها عمرها حاضرها مستقبلها ثباتها و راحتها حتى تفكيرها و دقات قلبها لأ تملك من نفسها شيء دخلت غرفتها و أغلقتها عليها بعنف "

سعاد بصراخ :- شايفة عديمة الرباية زعقت في وشي إزاي و عايزاني أسيبها تسافر طب مش مسافرة و يا أنا يا هي

رقية و هي تحاول إخماد ثورة أختها لتقول بهدوء :- أقعدي يا سعاد إللي أنتِ بتعمليه دا غلط و بنتك مش صغيرة عشان تعامليها كده

دخل أوس على صوت الصراخ ليقول بتعجب :- في إيه صوتكم عالي كده ليه ؟!

رقية بإبتسامة هادئة :- تعالا أقعد يا أوس و شوف عمايل أمك

جلس بجانب خالته لتحكي له بإيجاز عما حدث ليهز رأسه بتفهم من غضب والدته ليقول بهدوء :- خلاص يا ماما ما تضايقش نفسك عشان ضغطك ما يعلاش و أنا هأروح أشوف آسية و أتكلم معاها