أوتار الكمان

البارت الخامس و الثلاثين

سوري يا بنات بس حقيقي نسيت البارت خالص إمبارح عشان كنت مشغولة أنا راجعت بارت إنهارده بصعوبة لإنه اليوم العائلي😅💔يلا بقى ڤوت قبل قراءة البارت و تعليقكم على البارت بعد القراءة♥ قراءة ممتعة و دمتم بخير🤗😘

البارت الخامس و الثلاثين

خرجت من غرفة العمليات بإرهاق فالعملية أخذت ساعات حتى تمت بنجاح فقد نزفت المريضة و كانت حالتها حرجه و لولا دعم الله لهم لما نجحت

زين بإبتسامة فخر :- ممتاز يا دكتورة

آسية و قد تناست تعبها و هي تقول بغضب :-ممتاز ! لأ بجد شكراً لمجهودك يا دكتور بجد لولا الكلمتين بتوعك دول كنت هأحس بالعجز

زين بدهشه من عداءها معه و غضبها عليه ليقول بتعجب :- و أنا عملت حاجة يا دكتورة من غير ماعرف ؟!

آسية و هي تعقد ساعديها و تقول بتوضيح :-مش حضرتك مدير المستشفى دي حتى و لو بشكل متواري بس أنت المدير الفعلي مش دكتور كمال و حياة البنت إللي جوا دي كانت هضيع بسبب إهمال حضرتك

زين و قد وسعت حدقتيه الرمادية بصدمة تحت نظراته :- إهمالي أنا ؟!

آسية بتأكيد :- طبعا إهمالك أنت .. لما مستشفى كبيرة زي دي الأطباء فيها يبقوا مستهترين بالشكل دا يبقى ده مسؤوليتك و واجب عليك تتحمل نتايجها

زين بعدم فهم :- آسية فهميني واحدة واحدة و من غير الغاز إيه إللي أنتِ بتقوليه دا و بعدين أنا قصرت في إيه مش فاهم

" لم تعيره إهتمام فضغطها قد إرتفع كما أنها ليست على ما يرام لذا تركته و رحلت دون إيجابية "

محمود من خلفه و هو يقول معتذراً :- آسف يا دكتور على التدخل بس دكتورة آسية معاها حق الأطباء ما بيستنوش يسلموا بعض مجرد ما بينتهي معاد شغلهم بيمشوا و ده إللي حصل إنهارده و كنا هنفقد المريضة إللي جت بسبب عدم وجود جراحين

زين و هو يهز رأسه بتفهم فأخيراً فهم سبب غضب تلك الغاضبة ليقول بهدوء :- تمام يا محمود و شكراً لتوضيحك

محمود و هو ينسحب بأدب :- العفو يا دكتور عن إذن حضرتك

" أومئ له دون إجابة و يتنهد بعدها بعصبية و هو يتوعد للعاملين معه بهذة المشفى "

.........................................

" بعض الأمل يولد بداخلنا كطفل في مهده هذا ما شعر به كلاهما هي كانت أبعد من نجوم السماء عن يده و هو كان أشبه بحلم مستحيل بالنسبة لها و لكن تواجدهم معاً جعل الأمل يولد من جديد داخلهما "

" كان ينظر لها بين الحين و الآخر بينما هي تتهرب من عينيه الثاقبتين "

توليب و قد فاض بها الكيل لتقول بتوتر :- بب.. بطل تبصلي كده و بص على الطريق