أوتار الكمان

البارت الثامن و العشرون

البارت بتاع إنهارده مميز فألاقي تفاعل بقى لطيف♥🙈

البارت الثامن و العشرون

لم تستطع النوم فهي تشعر بالضيق من بكاءها أمام ذلك الحشد لتنفض الغطاء عنها و تقوم بإرتداء ملابسها و تخرج من الشالية لتتمشى قليلاً عل الهواء يهدأ من ضيقها كانت تتمشي حتى لاحظته يجلس بهدوء يتأمل البحر و كأنه يغوص داخله

توليب بصوت هادئ :- براق

" نظر لها و كأنها سراب لتعيد مناداته بصوتها العذب "

توليب بتعجب من صمته :- براق أنت إيه إللي مقعدك كده ؟

براق و قد تأكد أنها حقيقة ليقول بهدوء :- عادي قاعد

فاجأته و هي تجلس بجواره لتقول بهدوء :-بصراحة مخنوقة تسمحلي أقعد معاك

براق بسخرية :- ما أنتِ قعدتي

توليب بضحك :- تصدق معاك حق

براق بتعجب من هذا التغير المفاجئ ليقول بسخرية :- أنتِ عيانة ؟

توليب و هي تنظر له بهدوء :- لأ ليه ؟

براق بسخرية :- أومال مالك غريبة مش واخد عليكي كده

توليب بعبوس :- ولا أنا واخدة عليك كده

براق بعدم فهم :- كده إزاي يعني ؟

توليب بهدوء :- بارد جاف ردودك مقتضبة جامد من أول مرة شوفتك فيها و أنت دايماً مبتسم بس بقالك مدة مختلف و خصوصاً معايا في حاجة حصلت أنا مش فاهماك

براق بإبتسامة حزينة :- امممم طلعتي بتلاحظي الناس حواليكي بس السؤال بقى أنت يفرق معاكي كوني مبسوط أو لأ ؟

توليب بهدوء :- أكيد طبعاً أنت شخص كويس و أنا أتمنى ليك السعادة

براق و هو ينظر للبحر بسكون ليقول بعدها بسخرية :- بس سعادتي صعبة

توليب و هي تنظر لسخريته بتعجب لتقول :- و إيه إللي مصعبها

براق بسخرية :- صعبة لإن ببساطة سعادتي هي أنتِ

نظرت له و كأنه قد ألقى بها داخل محيط مكبلة بحديد لتغرق .. ماذا هل مازالت الحياة تخبئ لها كوارث غير التي عاشتها ؟؟ لم ترد فقط نظرت له بفراغ محير

براق و هو يضحك بسخرية :- مش قولتلك صعب أو هو مش صعب دا مستحيل

توليب و قد أزالت صدمتها لتقول بهدوء :-براق .. أنت أكيد مش قاصد المعنى إللي وصلي صح أرجوك قولي إني غلطانة ؟؟

براق و قد تغلف صوته بآلم واضح ليجيب بمرارة :- لأ قاصد كل كلمة قولتهالك أنا .. أنا بحبك يا توليب بحبك و مش عارف أعمل إيه في الحب دا

توليب بصدمة من تلك النبرة التي يتحدث بها :- بس .. بس إزاي أنت " لتصمت بعدم تصديق  "

براق و قد لمعت بعينه الدموع ليقول بضعف رجل ذاق مرارة العشق :- مش بايدي لو بايدي ماكنتش حبيتك أبداً بس للأسف كان غصب عني أنا مش عارف ليه بس أنا كل إللي عارفه إنك صعب تكوني...أأ