أوتار الكمان

البارت السابع عشر

ڤوت قبل القراءة يا حلوين😘❤ و تعليقكم على البارت بعد القراءة 💜

البارت السابع عشر

أوس بإهتمام :- خير يا دكتور

الدكتور و هو ينظر لبراق الراقد على السرير و يقول بهدوء :- أهدي يا أوس باشا هو كويس بس خبطت رأسه مع الأدوية اللي كان واخدها كان محتاج راحة بس يظهر إنه ما أرتحش فجسمه ما أتحملش مجهود أكتر من كده و أغمى عليه

أوس و هو ينظر للدكتور بهدوء :- طيب بس هو دلوقتي كويس صح

الدكتور بتأكيد :- آه كويس بس هو دلوقتي نايم و هيفضل نايم مدة يعني ممكن يوم كامل فما تقلقوش عليه ده طبيعي في حالته

أدهم و هو يشير للدكتور بهدوء :- طيب يا دكتور أتفضل حضرتك معايا 

أوس و هو يربت على كتف هنا بحنان أخوي :- خلاص يا هنا هو طلع كويس أهدي بقى

هنا بدموع :- كنت هأموت من الخوف عليه و هو عنيد و ما بيسمعش الكلام أقوله أعتذر يقولي لأ ما ينفعش

أوس بإبتسامة ودودة :- خلاص أهدي هو طلع كويس أهو بس كان عايز ينام و قرر إنه يستغل سريري الجميل و يقتحمه

إبتسمت هنا من بين دموعها فأوس كان لطيف معها لتقول بهدوء :- أنا هأقوم أروح و أنت....آآ

أوس و هو يقاطعها بغضب :- تروحي فين لوحدك لأ طبعاً أنتِ هتباتي هنا مع أريج في أوضتها

أريج بإبتسامة مرحة :- اممم أنا سريري واسع و عسل زيي هيقضينا احنا الإتنين

هنا بنفي :- لأ بس يعني....آآ

توليب بإرهاق مصطنع :- باتي يا هَنا أنا كمان هأبات هِنا إنهارده بس في أوضة أسما و زمرد هتبات معايا

زمرد و هي تشير على نفسها بصدمة :- أنا

توليب و هي تلكزها و تقول بغيظ :- آه هنبات هنا إنهارده

عاد أدهم ليقول بهدوء :- يلا يا وتين

ياسين و هو يمسك بفستان وتين و يقول بنفي :- لأ وتين هتبات هي كمان معانا إنهارده

أدهم و هو يمسك وجنتي ياسين و يقول بسخرية و غيظ :- لطيف أوي زي خالته " ليدفعه بخفة على سعاد و يقول " يلا ياض على سعاد بلا شغل عيال

سعاد و هي تسحب حفيدها و تضحك :- سيب وتين لعمو أدهم إنهارده يا ياسين و بكرة أبقى خدها يا حبيبي

أدهم بضيق :- هي بدلة يا سعاد إيه يخدها دي

أوس و هو يضرب أدهم بمعدته و يقول بغضب مصطنع :- ما تحترم نفسك ياض دي أمي

تنهدت وتين و هي تقف و تقول بزهق :- ماحدش حاسس بيا الفستان هيموتي و أنتوا كلكوا بتتخانقوا

وقف أدهم و حملها ليقول بلا مبالاة :- أنا مروح " و نظر لندى ليقول بجدية " أوس روح ندى عشان الوقت أتأخر و ما ينفعش تروح لوحدها و الباقي يبات كده كده البيت يسع من الحبايب ألف سلام