ڤوت قبل القراءة يا حلوين 😘
كان يقف يعد الإفطار ليجدها تخرج ليقول
براق بإبتسامة :- نمتي كويس
هنا بمرح :- آه جداً .. بس حلوة الفكرة
براق بإبتسامة :- اليخت
هنا :- آه ما أتوقعتش إنك هتجيبه معاك
براق بضحك :- أمك لو عرفت هتصوت
هنا بغيرة :- لا ياخويا أنت الدلوعة بتاع ماما و أي حاجة بتعملها علي قلبها زي العسل
براق بضحك :- شامم ريحة شياط يا هنون
هنا و هي تقفز علي ظهره :- آه ياخويا غيرانة منك اشمعنا أنت مع إن أنا مش بأعمل حاجة تزعل حد مني ؟
براق بتنبيه :- يكفي إنك عايشة حياتك زي الأوربيين ده يخلي بابا و ماما يزعلوا منك يا هنا بصي بلاش أقولك أنتِ عربية لأ أنتِ مسلمة لازم تخلي بالك من تصرفاتك
هنا بضجر :- خلاص أوكي " لتتغير نبرتها للحماس قائلة " المهم هتفسحني فين انهارده ؟
براق بجدية :- انهارده أنا مشغول فهأخدك معايا لشركة FR للإلكترونيات هأروح أقابل صاحب الشركة انهارده عشان هأعمل ليهم الإعلان بتاع الجهاز الجديد اللي الشركة هتصدره
هنا بإبتسامة :- أوكي أنا كمان متحمسة للفكرة من زمان أسمع عن الشركة دي
براق و هو يقبل وجينتها :- طب يلا اجهزي بسرعة عشان صاحب الشركة دقيق جداً في مواعيده و بيكره التأخير
.........................................
رغد إحدي الممرضات :- دكتورة آسية المريض اللي عملتيله العملية امبارح فاق
ذهبت آسية للمريض و أطمئنت علي حالته و عند خروجها لمحها مديرها
آسية :- بإبتسامة صباح الخير يا دكتور
دكتور كمال مدير المشفي بإبتسامة حنونة :-صباح الخير علي بونبوناية المستشفي
آسية بخجل :- ميرسي يا دكتور
كمال بحب أبوي :- تعرفي إنك أكتر واحدة هتوحشني في المستشفي دي
آسية بتعجب :- اوحشك ليه يا دكتور !! هو حضرتك رايح فين؟
كمال بتنهيدة متعبة :- خلاص بقي كبرت و آن الأوان أقعد بقى و أرتاح
آسية بإحترام :- ربنا يديك الصحة يا دكتور بس مين اللي هيجي مكان حضرتك حد من الإدارة هنا ولا حد من بره
كمال بلطف :- ابن أخويا هيجي يدير المستشفي أنا كلمته و هو علي وصول
آسية بإبتسامة :- طيب نخرج نستناه
كمال بضحكة ودودة وهو يشير بإصبعه لأعلى :- قصدك نطلع نستناه
آسية بتعجب و هي تنظر للسقف :- نطلع !
أنت تقرأ
أوتار الكمان
Romanceألغاز بين أوتاره و الحياة من لا يعشق أوتار الكمان فهي تلمس أوتار قلوبنا و تعزف ألحانها بحرفية من حزن لفرح * هي تكره بني جنسه و هو مغامر يعشق التحدي * رواية توضح بعض العلاقات و حالات مختلفة و نماذج من البشر توضح الحب و الكره " لمحبي الروايات الطويلة...
