أوتار الكمان

البارت الأربعون

السلام عليكم و رحمة الله و بركاته البارت الأربعون أهو يا بنات أنا قاعدة من بعد العشا أظبط في البارتين و أعدلهم لحد دلوقتي رغم إن يومي كان صعب جدا و دقايق أنسخ البارت الواحد و أربعون و أنزله هو كمان أرجو التفاعل بقى بالڤوت قبل القراءة عشان متنسوش و رأيكم بعد البارت لإنه يهمني و حقيقي بيشجعني جداً جداً دمتم بخير♥♥

* البارت الأربعون *

كانت تجلس بتعب فالحمل يزيد من وهنها و هولاء الأوغاد لا يترفقوا بحالها أبداً فالغرفة التي تجلس بها حالتها مزرية كما أنها كئيبة لا يدخلها ضوء و يوجد حطام أخشاب بها نظرت بدموع لحالها لتقول بدموع :- طولت أوي يا أدهم أنا خايفة و محتاجاك معايا !..

قطع حديثها الباكي دخول أحد البغال البشرية عليها ليقول بصوت مقزز :- يلا يا حلوة معاد التسليم قرب " ليمسح على أسنانه التي تميل للسواد بلسانه و يكمل برغبة " مع إنك بطاية و عايزة أكالها

وتين و هي تنكمش على نفسها و تقول بذعر :-أبعد عني

الرجل بأسلوب فج مقرف :- و أنا كنت جيت يمتك " ليكمل بوقاحة ممزوجة بالخسة " بس إن جيتي للحق ياما نفسي أدوق طعمك بس الباشا الكبير محرج علينا نلمسك " ليكمل بغيظ " شكل جوزك شديد حتى على الريس منسي

" وتين و قد لمعت عيناها بأمل فحتى في غيابه يحميها قطع تفكيرها قبضته الخشنة و هو يمسك ذراعها بقوة و هو يسحبها معه للخارج "

وقفت لتجد رجال أشبه بقطاعي الطرق و المجرمين يتوسطهم ذلك الشاب الذي رأته عندما أتت أول مرة و قد إنتبهت لأسمه عندما نطق به حينها هذا البغل الذي يمسك بذراعها بقوة تكاد تهشم عظامها أسفل لحمها ليقول بإبتسامته البشعة :- البت أهي يا ريس منسي تؤمرني بأيتها حاجة تاني ؟!

منسي ببرود :- لأ خليها متلقحة عندك يا مرسي كلها دقايق و عتمان باشا يوصل و بعدها نستقبل الحكومة

" عندما أنتهى من جملته دخلت من بوابة المخزن الموجودين به سيارة فارهة لينزل منها التاجر الكبير و زعيمهم عتمان "

منسي و هو يقف بخضوع :- باشا نورت المكان

عتمان بملامح لا يظهر بها سوى البرود :- عملت إللي إتفقنا عليه يا منسي ؟!

منسي بفخر :- كله ألسطا يا باشا

عتمان بهدوء حذر :- أنا مش عايز غلط يا منسي البضاعة دي فيها شقى العمر كله مش إللي بنيته في سنين يتهد في لحظة

منسي بتفهم :- عارف والله يا باشا و عشان كده لاعبنا الحكومة عشان يبقوا معانا مش علينا

عتمان و هو يحك ذقنة بقلق :- بس أدهم نور الدين مش سهل و بعدين مش من النوع إللي بيتهدد

منسي بتشدق :- مش مع منسي يا باشا دا إحنا إللي نلعب و بكيفنا و هما مجرد عرايس ما تقلقش يا باشا و حط في بطنك بطيخة صيفي و بعدين شكله واقع في دباديب ست الحسن و عشان كده نخ من أول قلم عشانها