أوتار الكمان

البارت الأول

تقف على شاطئ البحر و أناملها تتراقص بحرفية علي أوتار الكمان تعزف بلحن حزين و هي تتذكر ماضيها الكئيب

توليب :- بكرهك يا أمجد بكرهك بكره كل حاجه فيك

أمجد ببرود :- و ماله يا روحي اكرهيني براحتك " وبدأ يقترب منها بخبث " بس و حياة عيونك دي لأندمك علي كل حاجه يا ياتوليب

فاقت من ماضيها علي انتهاء معزوفتها لتتنهد بقهر و تلعن حظها الأسود

توليب لنفسها :- كان ماضي و انتهي انسي يا توليب انسي الماضي مكانه الدفن اوعي تفتكريه

ذهبت بعد ذلك لعملها علها تنسي ما حدث معها

.........................................

مش معقول يا براق أنت ناوي تنقطني صح

براق بابتسامة :- ليه بس يا أكرم جرا ايه يا جدع كل ده عشان اتأخرت شوية

أكرم :- يا برودك يا أخي ايه تلاجة البعيد !!

براق بإستفزاز :- لا ديب فريزر يا خفيف

أكرم بغضب :- الصبر يا رب

دخل براق الشركة الذي اشتراها حديثاً فهو أخيراً صفى جميع أعماله بإيطاليا و عاد لوطنه بعد غياب عشرين عام

براق بإبتسامة مشرقة :- لا عاش يا أكرم الشركة فعلاً حاجه خيال

أكرم بفخر :- طبعاً يا بني دأنا أكرم أحسن مهندس ديكور فيكي يا مصر

براق بضحك :- خلاص يا عم اهدي كده وما تخدش في نفسك مقلب

أكرم بغيظ :- يلا ياض من هنا

براق و هو يرقص حاجبيه :- دي شركتي يا هندسة

أكرم و هو يضع كفه علي عنقه بإحراج :- طب ليه الكسفة دي طاه !!

براق بضحك :- قولت أفكرك لتكون ناسي ولا حاجه

أكرم بابتسامة :- ماشي يا عم ومبروك عليك يا صاحبي الشركة

براق بفرح :- الله يبارك فيك

.........................................

زمرد :- مالك يا بنتي ما تضحكي كده و خلي الشمس تطلع

توليب بجدية :- زمرد مش نقصاكي عالصبح

زمرد و هي تلوي شفتيها :- ياباي علي تقل دمك هأموت وأعرف أنا مصحباكي علي نيلة إيه.!

توليب و هي تنفخ :- يا فتاح يا عليم يا رزاق يا كريم أصطبحنا و أصطبح الملك لله

زمرد بغيظ :- إيه ياختي بتفتحي قهوة

توليب ببرود و هي تدفعها بخفة :- طب يلا بقا عشان هنرش ماية

زمرد  :- روحي منك للكلت دراع جوزها يا بعيدة

توليب بصراخ  :- برااااا يا زمرد

ذهبت الأخيرة تركض من امامها