أوتار الكمان

البارت الثاني و الستون و الأخير

البارت الثاني و الستون و الأخير

* بعد عدة أشهر *

نظر لها من أعلى السلم ليقول بتساؤل :- حلو كده

نظرت له لتقول بعدم رضا :- لأ مش مظبوط جيبه شمال شوية يا ظافر كده مش معدول

ظافر بضيق :- يا نور إرسيلك على ناحية أجيبه شمال تقولي يمين جبتهولك يمين تقوليلي شمال أخر مرة بسألك أجيبه يمين ولا شمال

نور بإبتسامة :- معلش يا حبيبي هاته شمال سنة صغيرة بس

قام بتظبيط التابلوه لتبتسم بإعجاب و هي تقول بحماس :- بس كده بقى مظبوط

نزل من أعلى السلم ليقول بإبتسامة و هو ينظر للتابلوه الكلاسيكي الذي إشترته من أجل تزين صالة منزله :- ما كان كده في الأول

نور بإبتسامة :- كنت حساه مش مظبوط " لتكمل بإعجاب " بس طلع معاك حق هو كده أحلى فعلاً

ظافر بإبتسامة :- أومال فين تقى صحيح مش باينة يعني مش قولتي إنها هنا

جلست على الكرسي لتقول بهدوء :- لأ ماهي روحت من بدري أصل أمي إتصلت عليها فقالتلها إنها في الدرس و خدت بعضها و مشيت قبل ما تترن علقة منها

تنهد بضيق ليقول بلطف :- ما تزعليش يا حبيبتي

نور بإبتسامة :- مش زعلانة مسيرها تهدى من ناحيتي

أمسك يدها ليقول بإبتسامة :- دا إللي يهمني إنك ماتبقيش مضايقة و أمك مسيرها تروق المهم عرفي تقى إني كلمت مدرس كمياء عشانها هي كانت قايلي قبل كده إنها ضعيفة في المادة دي و محتاجة حد يوضحلها شوية حاجات فيها

ضمت ذراعه و هي تستند بذقنها على كتفه لتقول بهمس :- شكراً يا حبيبي تعبينك معانا

قرص أرنبة أنفها و هو يقول بهمس :- تعبك راحة يا حبيبتي و تقى زي أختي الصغيرة

نور بإبتسامة :- هي كمان بتحبك و بتعتبرك أخوها الكبير مش بس جوز أختها

وقف ليقول بإبتسامة :- عارف يا حبيبتي المهم عرفيها لما تحتاج أي حاجه ما تترددش تكلمني عشان هي بتتكسف مني مش عارف ليه

نور بمرح :- لأ دا قدامك بس من وراك بتقول فيك أشعار

إنخفض لمستواها ليقول بهمس :- لا والله

هزت رأسها و هي تقول بهمس هي الأخرى :- آه والله

وضع يده أسفل ركبتيها و الأخرى لفها حول خصرها ليقوم بحملها و هو يقول بمزاح :- طيب يلا يا هانم معاد النوم جه

نور بتذمر :- و أنا عيلة صغيرة يا ظافر هتنيمني من 9

ظافر بإبتسامة :- لأ بس أنا راجع تعبان و أنتِ كملتي عليا فعقابا ليكي هتنامي بدري أنتِ

نفخت أوداجها بضيق كالأطفال ليبتسم بسعادة مستمتعاً بإعتراضاتها المسلية

لا يوجد قاعدة تحكم القلب ولا أوجاه نظر تنفع معه فالقلب يعطي أوامره لتسلم بها دون إعتراض فلا عين ترى عيوب ولا منطق يجيد أعطاء الإرشادات معه لذا لا تقول لمحب لما أحببت ذلك الشخص دونا عن بقية البشر لأنه لن يعطيك إجابة .. فالحب هو عدم الإجابة عن أسئلة لما و لماذا فالحب لا يعرف الأسباب .