أوتار الكمان

البارت التاسع و العشرون

مش حابه أصدمكوا بس حقيقي أنا ملكة العالم في التأخير😁😁أعتبروه لسه الجمعة و أقرؤه و طبعا ما تنسوش التفاعل بڤوت و كومنت دمتم بخير♥♥

البارت التاسع و العشرون

كان جالسا ينظر لها و هي تعد الفطور بآلية فهي منذ تلك القبلة لم تجعله يقترب منها أبداً و كلما سنحت له فرصة للتقرب منها تهرب من بين يده

أدهم و هو يقول بغيظ :- هتفضلي كده كتير ؟!

وتين و هي تحاول المراوغة لتقول بهدوء :- أنا لأ أبداً دقيقة واحدة و الأكل يكون جاهز

أدهم و قد فاض به الكيل ليقول بحدة :-وتـيـــــن

وتين بفزع و قد وقع الطبق من يدها لينكسر لتقول بإرتجاف :- خضتني يا أدهم في إيه؟

إقترب منها ليقف أمامها و يقول و هو يحاول لمس وجينتها و يعيد نطق اسمها و لكن ببحته الرجولية المميزة و كأنه يهمس لقلبها قبل مسامعها :- وتيني

وقفت أمامه بثبات زائف لتقول بهدوء ظاهري :- نعم

قطع المسافة الفاصلة بينهم فأصبح يحاصرها و ينظر لعينيها السوداء الذي أغرم بها و بالنظر داخلها ليقول بترقب :- لحد أمتى هتفضلي تبعدي عني عدى أسبوع و أنتِ بتتهربي مني هتفضلي كده لحد أمتى؟

وتين بحزم و صوتها قد إرتفع :- هأفضل كده طول ما أنت بتتعامل بدون حساب للقدامك

أدهم و هو ينظر لها بتحذير :- صوتك ما يعلاش يا وتين أحسنلك

وتين و هي تدفعه عنها لتقول بغيظ دفين :-حاضر يا أدهم و أتفضل بقى أقعد عشان أحطلك تأكل

إلتفتت و الغضب يتأكلها بينما هو تنهد حسناً يعترف هو أيضاً مخطئ و لكنه يحبها لما لا تفهم هي ذلك نظر لها ليجدها تقطع السلطة بعصبية واضحة إبتسم على تمتمتها التي لا تنقطع و بروز شفتها السفلى كالأطفال عندما يحزنون إقترب منها مرة أخرى يلاصق صدره بظهرها و يحيطها بينما هي حاولت الفكاك منه و لكنها لم تفلح هذة المرة فقد أحكم قبضته عليها ليقول بصدق :- آسف يا وتين و أوعدك إنها هتكون أخر مرة أعمل كده قدام حد خلاص بقى ما يبقاش قلبك أسود

وتين بدموع و قد أحمرت وجينتها بحرج :-والله بأبقى محروجة يا أدهم غصب عني أنت طباعك غيري أنت ما بيهمش و أنا لحد إنهارده بأتكسف منك أنت ما بالك بالناس حوليا 

أدهم و هو يمسح دموعها بحنان :- خلاص يا حبيبتي و بعدين أنتِ صح دا غير إن أنتِ بتبقي حلوة أوي و أنتِ مكسوفة و خدودك إللي بتقلب للون التوت دي خسارة حد غيري يشوف جمالهم

وتين بخجل :- أنت قليل الأدب

أدهم بإبتسامة و هو يدس وجهه بعنقها و يقول بهمس و أنفاسه الحارقة تلامس بشرتها الناعمة :- وحشتيني يا وتين القلب