أوتار الكمان

البارت الحادي عشر

ڤوت قبل القراءة يا حلوين❤🤗
و رأيكم في البارت و كمان الشخصيات و حابه أعرف أني شخصية لفتت إنتباهكم ليها😂 دومتم بخير💖

آسية بتآوه :- آآآه رأسي

زين و هو ينظر لها بإطمئنان :- حمدلله علي السلامة

آسية بخجل فهي في مكتبه :- الله يسلم حضرتك " لتكمل بخجل أكبر " بس أنا بعمل إيه هنا ؟

زين  و هو يعبث بأوراق بيده و يقول بآلية :- أغمي عليكي فشيلتك جبتك هنا و فحصت ضغطك و كان واطي جداً فعلقتلك محلول ليشير إلى يدها لتنظر هي بدورها لتجد كانيولا معلقة بيدها و محلول ينقط ببطيء داخل وريدها

آسية بتعب بسيط :- آه بس رأسي لسه تاعبني

زين بهدوء :- ارتاحي و ريحي رأسك لحد ما المحلول يخلص أنا حطيتلك فيه دوا

آسية بخجل :- بس كده هأزعج حضرتك

زين بنفي :- لأ أبداً أنا هأخلص شغل عقبال ما الدوا يخلص

آسية بتعجب من قدرته علي مواصلة العمل حتى بعد ذلك اليوم المرهق لتقول بإندفاع :- هو حضرتك مش بتتعب ؟

زين و هو ينظر لها بصدمة :- نعم ؟

آسية و هي تعض علي لسانها الذي إنساق في الحديث دون مراجعة عقلها لتقول بإرتباك :- آآآ... أصل يعني حضرتك بقالك أكتر من ١٦ ساعة في أوضة العمليات فعشان كده سألت بس أنا ...آآ

زين و هو يضع ملف بيده على مكتبه و يقول بهدوء :- أنا جراح بقالي أكتر من ١٨ سنة أتعلمت إزاي أتحكم في نفسي و إذا كان في وقت صعب زي إنهارده أقدر أقف و اتعامل .. يعني تقدري تقولي إني عملت تكنيك لنفسي بإني أقدر أواصل العمل لساعات طويلة و أحياناً أيام ورا بعض من غير ما أتعب

آسية بإنبهار و قد نست أنه مديرها لتقول بدهشة :- يا راجل ! بجد دأنت زي ما البت سلمي بتقول بقى عامل زي آلة

زين و هو يتطلع لها بتعجب من أسلوبها فهي دائما عملية معه إذاً ما تلك الراحة التي تتحدث بها ليرد بهدوء :- يعني شويه

آسية و هي تفكر و تقول بنبرة متسائلة :- بس أنت كده عايش حياتك إزاي ؟ يعني مراتك و ولادك إزاي بتقضي معاهم وقت و أنت دايماً مشغول كده ؟!

زين و هو يتفاجئ من سؤالها الصريح عن حياته الشخصية ليجيب بإقتضاب :- ماعنديش لا زوجة ولا أولاد

آسية بحرج و قد شعرت بضيقه :- آسفة علي تدخلي مش قصدي

زين و هو يقف و يقول بسخرية فهي تدخلت في ما لا يعنيها أبداً :- حصل خير و آه المحلول خلص

آسية و هي تقف أمامه بعد أن نزع عنها الإبرة لينظر لها بقرب لأول مرة فرغم وجودة مع الطاقم الطبي إلا أنه يتعامل مع الجميع بهدوء و سطحية لذا لا يتحدث مع أحد كان ينظر لها بتأمل و يركز بملامحها الجذابة