أوتار الكمان

البارت التاسع و الأربعون

كل سنة و أنتم طيبين بمناسبة العيد ♥ و مبارك للناس إللي كانت ثانوية عامة على النجاح أنا عارفة إني إتأخرت عليكم بس كنت تعبانة الفترة دي دا غير إن الفون كان محتل أغلب الوقت و ماكنتش بأمسكه ياريت تدوني رأيكم في البارت و كمان تتفاعلوا على البارت دا و البارتس إللي فاتت إذا تكرمتم🙂 أتمنالكم قراءة ممتعة 💜💙

البارت التاسع و الأربعون

كان ينظر لها و هو يحاول أن يفهم ما سبب بكاءها هذه المرة دون جدوي ليقرر أن يجاذف بسؤالها و هو يضمها بحنان :- مالك يا وتين بتعيطي ليه ؟

وتين ببكاء :- حلمت إنك موت يا أدهم

أدهم و هو ينظر لها بدون أمل ليقول برجاء :- وتين يا حبيبة قلبي إرحميني من أحلامك دي بقى أنا لسه موجود و مرزوع جنبك على السرير أهو " ليقول بغيظ و هو ينظر لبطنها المنتفخة " و بطنك اللي شبة البطيخة دي لما تولديهم هأولعلك فيهم على الحاجات اللي بقيتي تعمليها فيا من ساعة ما حملتي فيهم أنا كان مالي و مال الجواز ما أنا كنت عايش براحتي

وتين و هي تضربه بصدره و تقول بتذمر :- ما تراعي شعوري دا أنا حتى مراتك

أدهم و هو يشدد من إحتضانها و يقول بإبتسامة ضاحكة :- و أنا مصبرني عليكي إلا كده " ليكمل بصدق " أنتِ أحلى حاجه في حياتي أصلاً ده بس كلمتين من غلبي معاكي أنا ابن ناس و ماليش في البهدلة دي

وتين و هي تمسد على بطنها و تقول بهمس :- فرحانة بيهم أوي يا أدهم هجيب بنتين بنتين حلوين

أدهم و هو يضع يده على بطنها البارزة و يقول بحنو :- بنتين حلوين زي أمهم و أنا هبقى أبوهم التلاتة

وتين و هي تنظر بعينيه لترفع يدها تلامس وجهه و تقول بهمس صادق :- أنت أبويا و حبيبي و كل دنيتي ربنا يخليك ليا يا أدهم

أدهم و هو يقبل أرنبة أنفها و يردف بلطف :- و يخليكي ليا يا روحي بس بالله عليكي كفاية أحلام بموتي أو خيانتي و أنا مرمي جنبك على السرير مش كل يوم تصحيني مفزوع بسبب أحلامك

وتين و هي تنغرس بصدره و تقول بتبرير :- بناتك هما السبب من ساعة ما حملت فيهم و أنا مودي مش متظبط و بحلم أحلام عجيبة

أدهم و هو يغرس يده بخصلاتها السوداء و يبتسم بقلة حيلة :- بناتي مجنني من قبل ما يجوا زي ما أمهم بتعمل فيا

وتين و هي تبتعد عنه و تقول بغيظ :- يعني أنا مجنناك يا أدهم

إقترب منها يقبل وجينتها ببطئ و هو يقول بصوت هامس :- جننتيني بيكي يا وتيني

وتين و هي تتجاهل مغازلته لها بخجل لتقول بتساؤل :- أدهم أنت مش زعلان إني هأجيب بنات في العادي يعني الرجاله بيبقوا نفسهم أول خلفة ليهم تبقى ولاد

أدهم و هو يعيد ضمها و يقول بإبتسامة :- بالعكس أنا بفضل البنات عن الصبيان و يا سلام بقى لما يكونوا زي أمهم بملامحها إللي شبه القمر دي و يورثوا منك عينيهم تعرفي إن عينك بتسحرني