السلام عليكم و رحمة الله و بركاته بارت جديد أهو عشان الناس إللي زعلانة مني .. الناس بقى إللي معتقدة إني هبطل تنزيل للرواية ف والله دا ما هيحصل هأخلص ليكوا الرواية بس تنزيل غيرها دا معتمد عليكوا أنتوا سبق و قولت الرواية دي نزلتها كتجربة أشوف هيبقى في إقبال عليها ولا لأ طيب أسباب إني بتأخر أوقات كتير بسبب إني بكون تعبانة و دا لإن مناعتي ضعيفة جدا و أي حاجة بتتعبني حتى لو صداع و أوقات تانية ظروفي يعني البارت دا كنت هنزله إمبارح بس روحت مع ماما المستشفى رجعت تعبانة و أخيرا بقى بيبقى في مشكلة في الرواية نفسها أنا بدأت تنزيل الرواية دي و أنا كاتبة نصها بس فبالتالي أنا بكتب و براجع في نفس الوقت و دا للناس إللي بتكتب هتعرف قد إيه هو صعب دي كل أسبابي الرواية في حدود 60 بارت يعني لسه في بارتس كتير ناقصة شجعوني إن أكمل تنزيل لإن نفسيتي حقيقي بايظة عارفة إن طولت شرح المرة دي بس كان لازم أرد على أسئلة الناس إللي جتلي .. دمتم بخير💛💛
البارت الخمسون
أوس و هو ينظر لها و يقول بترقب :- مالك ساكتة كده ليه ؟
زمرد و هي تجلس بجانبه ليضمها و تقول بحزن :- توليب وحشتني مفتقداها أوي دي أول مرة تغيب عني كده
أوس و هو يعيد خصلة من شعرها خلف أذنها و يقول بهدوء :- براق كلمني و قال إنهم مسافرين فرنسا إنهارده هيقضوا فيها باقي شهر العسل و بعدها يرجعوا مصر عشان عنده شغل كتير
زمرد و هي تنظر له بإبتسامة خلابة :- كان بيقول إنه هيعمل بروجرام بعد ما يخلص شغله في مصر و يأخدها يلف بيها كذا بلد
أوس بإبتسامة :- و أنت إيه رأيك في فكرته دي عجبتك !
زمرد بشغف :- حقيقي هي فكرة جميلة جداً ، رحلة مع حبيبتك أو مراتك ما بين أجمل بقاع الأرض أكيد رحلة مش هتتنسي العمر كله بس مكلفة فبلاش منها
أوس و هو يقبل وجينتها و يقول بهمس واثق :- و أما يبقى الزوج ده أوس السيوفي تفتكري وقتها يبقى الموضوع صعب
زمرد بخجل :- أكيد مش صعب بس رحلة زي دي هتأخد شهور يعني عطلة عن الشغل و عن مواصلة الحياة ده غير مصاريفها و أنا مش هاقبل حاجه زي كده حتى توليب لما براق قالها صرخت في وشه و رفضت رفض تام
أوس بإبتسامة مشاكسة :- أنتوا الإتنين وش فقر زي بعض
زمرد و هي تبتعد عنه و تقول بغيظ :- ده كله عشان عايزينكوا تحافظوا على فلوسكوا و تبطلوا تبذير دا براق من ضمن أسباب إنه مش عارف يكبر شركته هي رحلاته دي من ناحية بيصرف فيها فلوسه و من ناحية تانية بيأجل شغله
أوس و هو يعيدها لحضنه و يقول بدبلوماسية :- براق عايش حياته براحته و دي حاجة حلوة و بعدين بعقلك الصغير ده هي الفلوس هيكون إيه لازمتها لو ما أستمتعش بيها ؟
زمرد بتبرير :- يكبر شركته على الأقل
أوس بإبتسامة :- حبيبتي لو لاحظتي رغم إن شركة براق صغيرة جداً بس ليها وضع ممتاز عكس شركات دعاية كبيرة بس فاشلة الفكرة كلها في صاحب المشروع لو ذكي مش محتاج إنه يكبر حاجه عشان اسمه لوحده كفاية يجذب ليه عملا تقال و دا بقى حال براق صحيح شركته صغيرة بس عملائه ناس مش قليلة
أنت تقرأ
أوتار الكمان
Lãng mạnألغاز بين أوتاره و الحياة من لا يعشق أوتار الكمان فهي تلمس أوتار قلوبنا و تعزف ألحانها بحرفية من حزن لفرح * هي تكره بني جنسه و هو مغامر يعشق التحدي * رواية توضح بعض العلاقات و حالات مختلفة و نماذج من البشر توضح الحب و الكره " لمحبي الروايات الطويلة...
