أوتار الكمان

البارت الواحد و الستون

السلام عليكم و رحمة الله و بركاته .. فاضل في حكايتنا الخاتمة و تخلص أتمنى الناس تتفاعل و قولولي رأيكم في بارت إنهارده .. أنا آسفة لو مش برد على كل الكومنتات إللي بتتحط بس بجد أنا مش بعدي كومنت من غير ما أقرئه بس مابيحالفنيش الحظ إني أرد فرجاءً ما تبخلوش عليا بكلامكم لإنه بيفرحني جداً ..دمتم بخير😘😘

البارت الواحد و الستون

كان ينظر لها و عينيه تتسائل عما يدور بخلدها فمنذ أن تركا شقتها القديمة و هي لم تنطق بحرف واحد ليقول بلطف كاسراً حاجز الصمت بينهم :- هتفضلي ساكتة كده كتير

توليب و هي تنظر له بإنتباه :- هاه

براق بتعجب :- هاه إيه بس فينك يا بنتي قاعدة سرحانة من ساعة ما مشينا من عند زمرد مالك ؟

توليب بضيق :ـ مافيش يا براق بس مضايقة شوية

براق بتردد :- مضايقة عشان موضوع أوس و بنت عمه

توليب بصدمة :- إيه دا أنت عرفت !

أومئ برأسه إيجاباً لتقول بغضب :- أنا مش عارفة الحيوانة دي ناوية تحل عنه أمتى بجد هموت و أكلها حتة علقة

إبتسم ممازحاً إيها و هو يقول بمشاكسة :- إيه الشراسة دي بس

توليب بغيظ :- شراسة .. دا أنا لو أطول أخنقها مش هتأخر البت (زمرد)بعد ما كانت مبسوطة نكددت عليها إللي يتنكد عليها

براق و هو يركن سيارته و ينزل منها ليقول بهدوء :- عموماً ماتقلقيش أوس كان لسه معايا أنا و الشباب و بيقول إنه مش هيتجوز بنت عمه فماتديش الموضوع أكبر من حجمه

توليب و هي تجري خلفه و تقول بغيظ :- إزاي يعني هو يبقى أخويا و زمرد تبقى صاحبتي

براق و هو يقف ليقول بهدوء :- ممكن تخليكي في حالك و حياتنا و تسيبيهم يحلو أمورهم بنفسهم

توليب بغيظ :- يعني إيه يعني

براق و هو يحملها و ينزل بها اليخت ليقول بإبتسامة :- يعني فكري في حياتنا إحنا و إنشغلي بحالنا سوا سيبك من أوس و زمرد و الدنيا بحالها يعملوا في حياتهم إللي هما عايزينه و ركزي معايا أنا و أنتِ و بس صعبة دي

أنهى كلامه ليقترب منها لتقول هي بتوتر :- ما تقربش مني أنا زعلانة منك و لسه عند موقفي

براق و هو يمد يده ينزع الدبوس الذي يحكم غطاء رأسها ليقول بمزاح :- موقفك .. إللي هو كان إيه عشان نسيته ؟

توليب بإرتباك :- براق ماتهزرش

إبتسم و هو يرفع يديه الإثنين أمام مرئ عينيها ليقول بلطف :- بكره الجرافتات يا توليب ماتجيبهمش تاني عشان مش هألبسها

عبست بملامحها لتقول بخفوت :- دي أول حاجه أشتريها عشانك و أنت رفضتها

إبتسم مواسيً و هو يقول بلطف :- أنا أسف ماكنتش أعرف إنها هدية