أوتار الكمان

البارت التاسع و الخمسون

البارت إنهارده كبير و فيه أحداث مختلفة عن بعض .. الناس إللي لسه متعرفش الرواية خلاص بتخلص يعني كلها بارتين و الخاتمة و تبقى كده خلاص إنتهت أرجو إن يكون في تفاعل أنا عندي ميدتيرم و هأحاول أخلصلكوا الرواية قبلها فياريت تقدروا دا ... دمتم بخير😘😘

البارت التاسع و الخمسون

كانت تجري بذعر داخل المشفى حتى وجدته يقف أمامها و رباط مطاط يلتف حول رقبته مسندا ذراعه إلى صدره لتقول بإرتياح :- أدهم

إلتفت على صوتها ليذهب لها مسرعاً و هو يقول بإهتمام :- وتين إيه إللي جابك هنا و عرفتي منين إن أنا...

لم تنتظر ليكمل حديثه لتحتضنه بخوف و هي تقول ببكاء :- الحمدلله إنك كويس الحمدلله كنت هتجنن لما إتصلوا على البيت قالولي إنك إتنقلت المستشفى في حادثة

أدهم بتفهم :- طيب أهدي أنا كويس " ليكمل بحزن " بس باسل و سهيلة إللي مش كويسين

وتين بتذكر :- ليه مالهم إيه إللي حصل و حادثة إيه دي أنت قولتلي إنك رايح إجتماع عادي إيه إللي خلاكوا تعملوا حادثة

أدهم بإختصار :- كنا في العربية بتاعت باسل إحنا التلاتة رايحين للوا و إكتشفنا وجود قنبلة معانا في العربية نطينا من العربية بس باسل جه ناحية الطريق و عربية خبطته فإتصابته جت شديدة و جسمه إتبهدل و سهيلة وقعت على حجر و إتخبطت في دماغها الدكتور بيقول كسر في الجمجمة

وتين و هي تحتضنه برعب :- طب أنت كويس ؟

أدهم بحزن :- أنا كويس قدامك أهو ما تخافيش عدت على خير معايا و ربنا يسترها على باسل و سهيلة

نظر خلفها ليجد زوجة باسل تأتي خلفهم لتقول بدموع :- باسل فين هما قالولي إنه هنا أنا عايزة أشوفه فين جوزي

أدهم بهدوء :- في العمليات إهدي يا مدام داليا إن شاء الله يقومك منها بالسلامة

لم تستطع الرد لتقف وتين بجانبها و هي تربت على كتفها و تقول بمواساة :- إن شاء الله هيبقى كويس إدعيله

داليا بدموع :- يارب أنا ماليش غيره ماتحرمنيش و ماتحرمش ابنه منه يارب

مر دقائق ليدخل شاب يافع و هو يجري و يقول بخوف :- سهيلة سهيلة فين ؟

أدهم بتردد و هو ينظر لذلك الفتى :- في العمليات

جلس الفتى أرضا يبكي و هو يدعو بصدق ليعلم أدهم هويته فذلك الفتى أخاها جلس بجواره و هو يربت على ظهره و يقول بحزن :- هتبقى كويسة أختك قدها و قدود

أنس بدموع :- أنا كنت لسه بتخانق معاها من كام ساعة أنا بس عايز أعتذرلها و أقولها إني مش هاعرف حد من أصحابي دول تاني أنا خايف ما ألحقش أقولها إني بحبها و إنها أهم شخص في حياتي

رق قلب أدهم له ليقول بتفاؤل :- هتقولها و هتعاقبك كمان دي زميلتي و أنا عارفها إدعيلها

أنس بدموع :- إن شالله تقتلني أنا موافق بس ما تسيبنيش أنا ماليش غيرها