أوتار الكمان

😔

السلام عليكم
البارت البارت البارت . تقريبا بشوف الكلمة دي بشكل يومي و حقيقي بيظهرلي ناس من العدم يسألوني هو هينزل ؟ طيب أمتى !! وهكذا جماعة حقيقي أنا بقيت أستتقل أراجع أو أكتب بسبب الإهمال أنا بنت بتكتب بدون أي هدف مادي أو حتى شهرة أنا شخص بيحب التقدير سبق إني بقول قبل كل بارت بنزله التفاعل و إنكم تقولولي رأيكم في البارت إللي بينزل عشان تفرحوني ليس إلا و عشان أحس إن ڤيوسات عقلي الضاربة دي إللي بتعمل حكايات جوا رأسي مش بتعمل حاجة فارغة مالهاش معنى . حقيقي أنا بيتحرق دمي لما يبقى في ٤٠٠ و ما فوق بيشوفوا البارت و هما مش موجودين أساسا و دا على الواتباد بس غير على صفحتي على الفيسبوك و على الجروبات المختلفة و إللي بيطبق عليهم نفس الكلام .. وجودهم بس مجرد رقم ما بشوفوش غير في إنه شاف و قرأ البارت و طلع يجري سبق و قولت باحبط و دا حقي حد يجرب يعمل حاجة بيحبها و يقدمها لناس بدافع الحب و التهوين أو يفصلوا بيها من حياتهم و يلاقي تجاهل و يشوف هيضايق ولا لأ أنا ما بطلبش كتير أنا بطلب بس حقي في حتة التقدير أنتوا متخيلين إني لما أجي أكتب أحسها حاجة تقيلة عليا ، إني أذنب نفسي بالساعات عشان أخلص بارت واحد في المراجعة و مالاقيش إهتمام غير من ناس يتعدوا على الصوابع و حقيقي أنا بحترم و بحب الناس دي جدا و منهم إللي بقى صاحبي بجد لو سمحتم لو عايزيني أكملها بلاش الصمت دا بلاش أقرأ و أجري قولولي رأيكم و شاركوا فيها قولولي الغلط و الصح إللي في البارت حسسوني إني حد يستاهل مش يستهان بيه و كده كده هنزل ماهو بقى المتوقع .. جماعة أنا بدأت الرواية دي بشغف لما كان الناس بتقولي كلام حلو بس كانوا شوية صغيرين بس لما عدد الناس يكبر و الناس إللي بتقدر لسه هما هما الشوية الصغيرين دا يضايق أنا مجرد بنت مالهاش أي طمع في حاجة ولا حتى بطمع إني أكون كاتبة في يوم من الأيام أنا دايما بقول إني بعيدة كل البعد عن كلمة كاتبة أنا واحدة بتحب الكتابة مش أكتر ، بس بحبها بدون ضغط بكتب كل ما أحس إني محتاجه دا بس بسبب الرواية أنا بضغط في المراجعة ساعات طويلة أرتب في البارت و أظبطه و لو كلمة معناها واقع معايا بارجع لقاموس أشوفها و بعدلها و أحاول بقدر الإمكان أبعد عن المشاهد إللي ممكن تكون متكررة في باقي الروايات بعدت عن حاجات كتير بكتب المشهد و أنا عندي أهداف منه و بكون متمنية كل مرة بنزل فيها إني أوصلكم الصورة من وجهة نظري أنا تقريبا دول كلمتين محشورين في زوري بقالي شهور مش اليومين دول بس و بالنسبة للبارت إللي أتأخر من يوم الخميس إللي قبل إللي فات كان الفون بتاعي مش راضي يشتغل و قعد حوالي خمس أيام فاصل و لما جيت أراجع بعدها أما أشتغل لاقيت و أنا بقرأ إني في مشاهد وقعت مني بسبب البارت إللي أتحذف أخر مرة فبعدل بحيث يبقى مظبوط و مايبقاش في خلل في الأحداث مجرد ما أنهي الجزئية إللي ناقصة هراجع البارت و أنزله

أخيرا و دا موضوعي إنهارده الإهمال بيقلل الشغف حتى لو الإنسان بيحب الحاجة إللي بيقدمها دي جدا هيبدأ يفقد شغفه بيها لمجرد إنه مهمل دمتم بخير🖤🖤