أوتار الكمان

البارت الخامس

ڤوت قبل القراءة يا حلوين❤😘

البارت الخامس

أدهم بنفاذ صبر من عناد صديقته :- يا بنتي اسمعي بقى ماتعصبنيش عليكي

ندى بضيق :- لو سمحت يا أدهم الموضوع ده اتقفل ممكن بقى ما نتكلمش فيه تاني لأنه بجد بيخنقني

أدهم بضيق :- أنا أصلاً غلطان ماتولعوا في بعض و أقولك أنا غلطان أساسا إني عبرتك

ندي و هي تقذفه بملف بيدها :- أمشي ياض من هنا

أدهم و هو ينظر لها بسخرية :- ياض يلا يا هبلة أنا ماشي جاتكم القرف علي صحوبيتكم اللي زي الزفت دي سلام

ندي بضحك على تذمره :- يا أدهم تعالي بس.. طب أستني تشرب حاجه

أدهم و هو يضع نظارته الشمسية و يذهب :- أشرب بعد إيه بقى سلااااااااام

رضوى و هي تدخل بعد رحيل أدهم لتقول بهيام :- خرابي عليه حتة شكولاتة و مز اوووي هيموتني بجماله ده

ندي بضحك فرضوى معجبة كثيراً بأدهم :- من ناحية إنه مز فهو مز

رضوى بترجي :- ما تخليكي جدعة يا نودي و شوفيلي سكة معاه أنا كده هأتجنن

ندى بإبتسامة ساخرة :- لا شوفي غيره أدهم زي الطير بيطير علي كل شجرة شوية مالوش في الإستقرار فبلاش تعلقي نفسك بيه أحسنلك

رضوى بإحباط :- يعني مافيش فايدة خالص

ندى و هي ترفع كتفيها :- خالص

تركتها رضوى لتتنهد بضيق فكلام أدهم جعلها تتذكر ما حدث يومها

Flashback

أكرم بصدمة من تفوهها بكلمة طلاق فكيف و هما يعشقان بعضهما ليقول بشك :- ندى أنتِ بتهزري مش كده!

ندى بدموع :- أهزر ! فعلاً كنت بهزر .. بس كنت بهزر لما فكرت إنك ممكن تتعدل " لتصرخ بحرقة و هي تقول " أنت واحد جبان و خاين و حقير

أكرم و هو يشير لها بسبابته بغضب :- ندى ألزمي حدودك أحسنلك

ندى بقهر :- حدودي هو ده كل اللي همك يا باشمهندس يا محترم بس هأقول إيه الغلط مش عليك الغلط عليا أنا إني أستحملت واحد زيك

أكرم و هو يصفعها و يصرخ بها بغضب فهي تعدت كل الحدود معه :- مش أنتِ عايزة تطلقي زي ما أنتِ عايزة أنتِ طالق يا ندى 

خرج و هو يشتعل غضبا لتقع أرضاً باكية علي ما وصلت إليه الحب إن لم يكن أكبر نعمة يكون أكبر نقمة فجراح القلب لا تدوى و أصعب ما يجرح الأنثى هو الخيانة ممن تحب

End flashback

فاقت من دوامتها لتمسح دمعات خائنة نزلت رثاءً علي أنوثتها المدمرة

.........................................

صباح الورد علي أحلى وردة في الدنيا " قالتها زمرد بإبتسامة نقية فاليوم هو إجازتهم من العمل "