نوائب الدهر

مقتطف

الـسـلامُ عـلـيـكـم🌻🌼

نـــوائــــب الــدهــر
مقتطف من القصـه
الـكاتبه_الـعـبـاديـه
                         alabadyia_09

أَنــا قيلولة ذاتي .. أنــا ظهيـرةُ أَيامي
لايـقــدرُ الـزمـان عـلـى كـســري . . .
أَغصـانـي صلـبـه . .
مشاعـري جامحـه . .
كنـتُ عـكـازة نـفسـي . . .

لــٰـكـن لـوهـلــة :-

وجدتُ نفسي ضعيفةٌ أَمامك
أحــنُ إلــىٰ مــاضـي يـربـطـنـا
ألـومُ نوائب كانـَت سَببٌ في فراقنا
الروح التي تهمر عطرها على ذراعك
وتُــرشـرش حَــنـانـهـا علـىٰ نــدوبــك
هـا قد كسرتها بالإنسحاب مِن أحضانها

إلــىٰ مـتــى ؟؟!
هـل الشوق يغلبك أم القساوة تسيطر عليك؟؟

~~~~~~~~~~~~~~~~~~~~~~~~~~~~~

سُمانه . . .

طلعت من باب الغرفه واني شايله جنطة سفر چبيره بيهه كل ملابسي الاحتاجهه مقرره وهالمره ماأثني قراري .. أجر بالجنطه وآني مطايقه روحي .. وگفت يم الباب ومحتاره شلون أنزّلهه .. ظليت واگفه مدمعه باوعت على أنحاء الشقه .
قافلة الذكريات داهمتني .. صارت شريط ومرت مقابيل عيوني .

هنا گعدنه وهنا چنه نضحك سويه وهنا نتشاقه بفطريه والإبتسامه مرسومه على شفافنه .. بس أيامنه كلهه تبعثرت وتطايرت مثل دموع من زجاج .. غمضت عيني أريد اطرد هالأفكار مااريد گلبي يحن بعد كافي تعبت .

إجه هوَ صعد ع الدرجه الأولى شافني واگفه مااگدر أنزّل الجنطه .. صعد مدنگ وكل شويه يرفع راسه يباوعني بعتب وتوسل .. تهربت منه بنظراتي كلساع دايره عيني بإتجاه .

وصل يمي مد إيده أخذ الجنطه من إيدي .. تلامست أصابعنه رأساً سحبت إيدي عبالك بيه مرض مُعدي .. صفن بوجهي ونظراته تگوللي هيج ماتريدين حتى لمسة إيدي .

هز راسه وعض شفته متحسف . . سحب الجنطه بعصبيه ونزل .

نزلت وراه أجر بروحي بخطوات يائسه ، مُتهافته، وواهنه تحمل الكثير من معاني الوداع .

صعدت بالسياره ودرت وجهي ع الجامه أباوع للشارع بس كون مااباوع لجهته .

صعد بالسياره وطبگ الباب بعصبيه زفر أنفاس حاره وحسراته ترست المكان .

ظل يسوق بهدوء أحسه يأخر بالوقت .. وصلنه لبيت أهلي .. سحب نفس وزفره بنفاذ صبر .. اني ماتحملت إلتفتت عليه أريد احفظ تفاصيله

مررت عيوني على جسمه وعضلات أكتافه .. عيونه السوداويه الغاضبه تبث عصبيه وحواجبه مطبوگه .. حفظت كل تفصيل بيه .. كفة الردان مال قميصه ودمارات إيده البيضه بارزه .. شواربه ولحيته ضايفه ملامح حادة لوجهه . حنجرته بارزة بيهه تفاحة آدم بأوضح مايكون .