نوائب الدهر

بارت اضافي

الـسـلامُ عـلـيـكـم 🌻🌼

نوائب الدهر
عبرات_العباديه
بــارت إضـافــي
                       
                              alabadyia_09

ماعندي حمل يتطشر بريح
أچودر وين ماذبتني دنياي..

~~~~~~~~~~~~~~~~~~~~~~~~~~~~~~~~~~~~

إعادة نشر البارت بسبب خلل في الواتباد

سمانه _ كلبي وكع وكل خليه بجسمي رجفت رغم شكد حاقده عليه وكارهته بس من سمعت صياح ضي وخبصتهه جسمي مكدرت اسيطر عليه تكدست الدمعه بعيني والعبرة خنكت صوتي وضيعته كعدت على طرف الجربايه وغصبت صوتي يطلع بهمس وخفيف شبه مسموع ومتقطع من خوفي لاانصدم :

- ش شبيه حس سام

- ماادري سمانه اجه ينزل من الدرج بعدما فلش الشقه هيج فجأه خر ووكع من طوله ركضنه عليه خشمه ينزف دم هسه نقلوه للمستشفى يمكن جلطه صخام بعيني

وكفت متمالكه نفسي وكلش متضايقه من نفسي شلون هيج انقهرت عليه جليت صوتي ونترت :

- ضي لتخبصيني هاي حوبتي الله طلعهه بيه يستاهل يعني شسويله من تخابريني احوللة بطل دم ع البلوتوث لو شنو؟

- لج سمانه هذا رجلج

- واذا رجلي وشنو يعني ربج يمهل ولا يهمل وهاي حوبتي بلشت تطلع بيهم

- صخام بعينج نسيتي العشره بينكم

- كاافي ضيي كاافي يله باي داريد اروح امي تصيحني

سديته منهه بدون متحجي كلمه ورحت لهيت نفسي بالشغل سفطت كنتوري وكنتور اخواني وغسلت ملابسهم بس اريد ألهي نفسي بس شسوي لعقلي يفتر يفتر ويرجع على حسام كلش قلقانه ومتوترة عليه ومدينجح شي بإيدي عود اريد احط الملابس الملونه بالتجفيف والبيض بالغسل عكستهن وخليت على ذني تايت صارن ممولحات مرن 3 ساعات ضبط واني احوس واحسب دقيقه دقيقه طلعت الملابس خليتهن بالطشت مال الشطف ونشفت ايديه واخذت موبايلي خابرتهه ردت عليه ساكته واني مستحيه وقلقانه لان مسويه نفسي ممهتمه بأمرة ،مجبورة اتنازل لازم ارضي قلقي وفضولي مااخليه للصبح يأذيني دنكت راسي وهمست بصوت خافت :

- اجوو ؟

- اي

- شنو شبيه جلطه؟ اهلهل لو لا؟

- ياا عزه سمانه

- دحجي

- لا مو جلطه بس ارتفع حاد بالضغط طاك خشمه دم وهاي الحاله مو اول مره يمكن حيصير بيه مرض مزمن

- عساه

- انجبي اكو وحده هيج تكول على رجلهه

سكتت.. زفرت انفاسي بهدوء وسألتهه :- وين هوَ هسه

- نايم فوك بشقتكم شكد توسلت بيه عمه يبقى جوه ينام مقبل الا ينام بغرفتكم شصايرتلج هيه خرابة فلشهه تفليش