الـسـلامُ عـلـيـكـم 🌻🌼
نوائب الدهر
عبرات_العباديه
الــبــارت_28_
alabadyia_09
ومن اريد أنساك
يعرضلي الدرب
ويگلي إلك خطوات ذكرى
امنيااات _ اعصابي تلفت وحجيت كلمتي مجرد تهديد بلكي تخاف اسويهه صدگ ولو اني مااسويهه لو يگلولي الجنه يم جمال اگلهم مااريدهه، عصبت وخنزرت وجهه، أعقبت على جملتي رافضه ومهدده
- شايفه اذاسويتيهه اكسر راسج والله عبالچ كبرت مااكدرلج لا حبابه بعدني بحيلي تره
حجيت بتوسل :- لعد افتحي الباب خل اروح للكليه
- كتلج كليه ماكو ليش تلحين؟
- واني هم گتلج اخابر جمال
- امنيااات جري عدددل اني امج مو سمانه حتى تعامليني هيج فهمتي لووو لاا
- لعد اخليچ تبطليني
- من لسانج ابطلج
تحركت من مكاني ونترت بتهديد :- اخابر جمال ولا ابطل
سحبتني من ساعدي بقوة وصاحت بيه :- لج اصحييي على نفسسج شتردين تسوين بروحج؟ عقلج وين؟ نسيتي ضيم جمال حتى تردين ترجعيله
لطمت وصحت بصوت عالي :- من ورااكم غيير
سدت حلگي وصاحت :- اشش يله كافي ذاك المفتاح اخذيه وروحي بس والله ياامنيات اخر فرصة الج بزر بطني انتي واعرفج كلش زين بس هسه صايرة كلشي مااعرف بيج مو نفسج بنتي الربيتهه هذا اللسان مو النه احنه بناتنه كلهن فقيرات وچنتي بنيه دويوه "فطيرة" شسواج هيج ولج
ظليت واكفه وصافنه هزيت راسي ورحت ركض للغرفه وصلت للدرج اركض ونسيتهه مقفولة رجعت عليهه اخذت منهه المفتاح وطرت للغرفه تأخرت على الخط فتحت الباب ولاكتني البروده والظلام خوش والله ام المخابرات تنام بالبرودة واني بالحر والرطوبة.. توجهت لكنتوري طلعت ملابسي وظليت أرگع بالبيبان ترگع هيج عناد حتى تكعد كامت تسوي حركاات منزعجه "چؤؤ چؤؤؤ" واني زدت منقصت بالخباثه
اخذت ملابسي وطلعت للهول بدلت ونزلت ركض بلكي السايق منتظرني وادعي ربي ميصدمني والگاه ماكو لان اذا وحده من عدنه تتأخر يعوفوهه بأعتبار يأثر على بقية البنات ف وحده متهم.. طلعت برة وانصدمت ماكو الخط ظليت ابجي وانوح بعويل وادك على افخاذي بقهر النوب بدلت وألوم بأمي، بس مااخلي تبديلتي تروح ع الخالي بلاش گمت ورحت للشارع العام اشوفلي تكسي واروح شنو قابل حيخطفني ابو التكسي.
وكفت ع الشارع والسيارات تتخاطف عليه وولا تكسي يوكف، من بعيد شفت سيارة غيرت اتجاه السير واجت على جهتي كلت هاهيه حيدعمني واروح بالرجلين لو من ذوله اليصچمون. لما وكف يمي اني مدنكه ابد ماارفع راسي خاف تصير عليه تهمه عود اعرفه لو شي.. صاح :- امنيااات ليش واگفه هنا؟
أنت تقرأ
نوائب الدهر
Romanceأَنــا قيلولة ذاتي .. أنــا ظهيـرةُ أَيامي لايـقــدرُ الـزمـان عـلـى كـســري . . . أَغصـانـي صلـبـه . . مشاعـري جامحـه . . كنـتُ عـكـازة نـفسـي . . . لــٰـكـن لـوهـلــة :- وجدتُ نفسي ضعيفةٌ أَمامك أحــنُ إلــىٰ مــاضـي يـربـطـنـا ألـومُ نوائب كانـَ...
