نوائب الدهر

2

الـسـلامُ عـلـيـكـم 🌻🌼

نوائب الدهر
عبرات العباديه
الــــبــارت_2_
                             alabadyia_09

يَا حُلْوَةُ العَـينِ رَأْفـاً إِنَّـنـي بَـشَـرٌ
‏لَا يَرحَمُ اللُّه مَن لَم يَرحَمِ البَشَرا
‏بُلِيْتُ بِالعِشْقِ حَتَّى صِرْتُ عَابِـدَهُ
‏وَصَارَ أُنْسِي وَذِكْري عِنْدَمَـا وَغَـرا

~~~~~~~~~~~~~~~~~~~~~~~~~~~~~~~

سمانة . . .

اول مرفعت راسي شفته كاعد بكشخته وهيبته وأمه كاعده يمه ويمهم مرة .. واني اگول وين شايفتهه .. صارلي من امس لهسه اتذكر بشكلهه بس ذاكرتي ماعانتني لان هم سريعة النسيان وهم مركزت بشكلهه .

هوَ شافني هم مبين عليه انصدم ظل صافن عليه وشفافه نصف مفتوحة .. كطع سالفته رغم جان يسولف ومندمج بس من شافني صابته ابو صفينة يمكن مايدري بيه اني نفسهه غزالته على گولته.

قدمتلهم الضيافة وكعدت خجلانه واعصر بإيديه ..هوَ نظراته احسهه تريد تخترقني گد ما مركز بيه .. كلما ارفع عيني اشوف عينه بإتجاهي .. كام يبتسم ويه نظراته ويضحك حتى اسنانه برزت كدما ضحكته جبيرة .

المرة الوياهم جانت هيَ الواسطه حتى تصير القسمه وهيَ الي جابتهم يخطبوني لان امه جانت تدورلة على مرة وجابتهم علينه لان اعمامي واهلي معروفين بالمنطقة وخلفتهم كلهه بنات .

يعني مايدري بيه نفسهه اني اليتغزل بيهه يوميه ..امه شكلهه مدري شبيه معفوس وعبالك ممرتاحه .. اني ظليت ساكته نوعاً ما فرحت لان عرفته هوَ ضحكت ودنكت خجلانه ومشاعري مضطربه احس كلبي يريد يطلع من مكانه من التوتر كل شويه ارفع عيني عليه اخطفلي كم نظره من ملامحه المحتحته .

بلشو بمواضيع الخطوبة والرسميات بابا يعرفهم لان همه بنفس المنطقه مالتنه بس اني ابدد مااعرفه ولا شايفته غير بذني الكم شهر من يوگف قبل ليروح للدوام يوكف سيارته ومن اعبر يظل يتغزل ويشمر عليه كلام .

بابا گاللهم إسبوع ويرجعون الهم الجواب .. اصلاً اني بداخلي موافقه لان مشاعري احسهه مالت إله واني مراهقه اكيد بسرعه يأثر بيه ف مقتنعه بيه اني

مدام اني موافقه اهلي موافقين بس هاي كلهه رسميات مال بعدين نرجعلكم الجواب ..بس بابا شرط عليهم اكمل دراستي وهمه وافقو كالو معدنه اشكالات خل تكمل.

ثاني يوم امي صاحتني للاستقبال لكيت بابا كاعد أشرلي اكعد يمه دنكت ورحت يمه عرفته يريد ياخذ رأيي بالموضوع استحيت وخدودي صارن حمر .

طبطب على ظهري وباس راسي حط ايده على متني مثل الحضنني كال :-

- بابا انتي شفتيهم الناس وشفتي الولد شنو رأيج موافقه عليه لو لا