الـسـلامُ عـلـيـكـم 🌻🌼
نوائب الدهر
عبرات_العباديه
الــبــارت_40_
alabadyia_09
هل البُكاء مُميت ,أم أنا
الذي يَشعر بالانين دائماً.
ختام _ سديته من عنده واني اضحك على عصبيته المفرطه وشلون ألعب بأعصابه واكلي بيه على نار هاديه .. بعدني توني احط الموبايل ع الشحن ودخل اخويه الجبير سحب الموبايل من ايدي واخذه وسعت عيوني بصدمه وكل جسمي رجف لان هوَ مايدري بسالفة بهاء يحاجيني وعنده اتصال وياي !!
مباشرةً دخل على يجل المكالمات واني مسجلته "كعكوله" رفع راسه عليه رمقني بنظرات شرسه واني ضربني الثول صفح احس حلكي صار بفكي ولساني انشل اريد انطق كلمه ماكو .. نهرني بوجع
- منووو هااي؟
ظليت اتلعثم بالكلام ومااعرف شأجاوب
- ااااءء صديقتي
هز راسه بأستهزاء وفات على رقمه وضغط على اتصال ظليت ارجف مثل الكصبه وكل خلية بجسمي تفتت .. مخليت دعاء مخليت قرآن مقريته بكلبي .. جاوب بهاء بصوت هادئ " الوو هاا ختام " غمضت عيوني حيل وسحبت شفتي عضيتهه بكل قوتي اطلع جزء من حركتي بيهه ليش جاوبت ابو الفلافل وكتك هسه.
اول مشديت المحركات برجليه وشردت امشي واتعثر بخطاي حسيت شعري انسحب بقوة صرخت ولزمته .. حبست انفاسي بصدري وكلبي يدك سريع لف شعري على ايده وصاح بعلو صوته :
- لججج منو هذا التردين تصخمين وجهنه وياه
- عوووف شعري ااخخ بابااااا
ضربني راشدي وكعت بالكاع وشفتي نزفت دم .. مو ايد عبالك بغل .. سطرني سطرة لهسه دايخه منهه ظليت اصرخ واستنجد بأبويه يخلصني من عنده ركض قفل الباب مال الغرفه اجه عليه ضربني الراشدي الثاني انتهيت يابوية خدي انشل وراسي دخل .. انقاسي تثاقلت بضعف واستسلمت كعدت بالكاع ومااصرخ خليه شيريد يسوي يسوي .
رجع رفعني من شعري متحملت شتمته بغيض خلاه يصفكني الراشدي الثاالث واني انهاريت كمت اصرخ بكل ماعندي قوة وطاقة .. الباب كام يندك بكل قوته وابوية يصرخ عليه وهوَ ولا يهمه شبعني كتل حتى وجهي تشوه وكام ينزف دم صرخت بعالي الصوت
- لك باااباا حيموتني الحكلي
كسر الباب وفات لجوه سحبه من عندي لكاني منتهيه .. خريت ووكعت بالكاع وجسمي ظل ينكث امي ركضت عليه لزمت ايدي وتولول خايفه
- ختام يمه شبيج حاجينيي
بس اباوع بعيوني مااكدر اجاوب حتى جسمي نحلان ايدي مااكدر احركهه .. ابوي ركض جاب مي غسل وجهي وربت خفيف على وجهي ساعدني اكوم على حيلي وحطني ع الجرباية ويتوعد لااخوي الي من شافه شرد وبعد مشفنه منه غير الدخان وراه.
أنت تقرأ
نوائب الدهر
Romanceأَنــا قيلولة ذاتي .. أنــا ظهيـرةُ أَيامي لايـقــدرُ الـزمـان عـلـى كـســري . . . أَغصـانـي صلـبـه . . مشاعـري جامحـه . . كنـتُ عـكـازة نـفسـي . . . لــٰـكـن لـوهـلــة :- وجدتُ نفسي ضعيفةٌ أَمامك أحــنُ إلــىٰ مــاضـي يـربـطـنـا ألـومُ نوائب كانـَ...
