نوائب الدهر

13

الـسـلامُ عـلـيـكـم 🌻🌼

نوائب الدهر
عبرات_العباديه
الــبــارت_13_
                           alabadyia_09

‏لكنها أبتلعت أكثر مما كانت تريد أن تقوله
وأكتفت بأن تنظر إلى الوجوه ،
وأن تراقب التصرفات . . .

~~~~~~~~~~~~~~~~~~~~~~~~~~~~~~~~

سمانه _ صعدت لفوك فتحت الباب ودخلت بكل هدوء بس شنو جسمي صار ينكث كلش خفت منه خصوصاً من يعصب يفقد. لهسه ظهري يأذيني من ضربة البارحه.

طبيت الصاله ماكو مموجود بيهه ذبيت جنطتي ع القنفه وفتحت باب الغرفة باوعت بالكاع المزهريه مكسورة بالكاع وصاير طشار والكزاز مالي الارضيه بلعت ريكي ورفعت عيني عليه رمشت بعيوني واني اشوف شكله واكف متخصر ويتنفس بغضب صدره يرتفع وينخفض ويتنفس سريع.

درت بعيوني عنه باوعت دايري مدايري بس هوَ مااباوعله ومبعده نظراتي عنه ماريد اشوفه خاف يكول خافت مني تقرب خطوتين صار كدامي فتحت حلكي اريد احجي رأساً ايده انمدت على فكي وعصره بكل قوته حسيت بيه انكسر ونيت بألم وعكدت حاجبي متوجعه لزمت ايده حاولت افكهه من وجهي باوعلي وعيونه صايره نار همس وصوته مشحوط

- شنو معنى السويتيه؟؟؟؟؟

باوعتله بخوف وعيوني مدمعه من قوة قبضته همست واني لازمه ايده

- شش...شنوو

نتر ايده من فكي بقوه طگن اسناني باللسان عضيت طرف لساني عطت ولزمت حلكي ظليت مفرفحه من الوجع بچيت واستسلمت بدموعي عاط بيه

- تسوين روحجج متعرفين فقيييره موو فقييرره لج كتلجج لتداومين شنو معناهه تطلعين بدون علمي اكو مرررره تسووويهههه اكوووو؟؟؟؟

دنكت واني لازمه حلكي رجعت رفعت راسي وباوعت بفص عينه

- بس اني كتلك حداوم

- واني كتلج لتداومين

باوعتله بعتب وكتله بصوت ناصي

- انته الي كلت لتدخلين أحد بيناتنه اشو هسه كلهه تدخلت بينه كامن يوزوزن وبعدين انته رجلي موافق على دوامي بعد هنه ليش يتدخلن

ظليت صافنه بيه اباوعله بعتب هدأ ولانت ملامح وجهه جر نفس عميق وكعد ع الجربايه

- يعنييي هذا تصررفففف انتي صووججج صووججج طالعه بدون متكوليلي

- اني معليه انته كلتلي انتته

- كاافي كومي من يمي

تذكرت هسه هنه جوه يتنتظرن العركه والمشكله تگب حتى يتشمتن باوعتله بمكر وفكرت اعديهه واهدأه حتى ميتشمتن بيه وهوَ كلمتين مني يدوخ باوعتله بإبتسامه

- مااريد اروح حلالي وبكيفي

اجيت عليه كعدت على رجله باوعلي وجر عينه بعصبيه حطيت ايدي على لحيته بكل هدوء وسحبت وجهه عليه باوع بعيني بتعب وتنهد حجيت بدلع