نوائب الدهر

15

الـسـلامُ عـلـيـكـم 🌻🌼

نوائب الدهر
عبرات_العباديه
الــبــارت_15_
                             alabadyia_09

‏"النّاس حين تراكَ تلقي تحيةً
و أنـا حـيــنـمـا أراكَ أتـنـهـدُ"

~~~~~~~~~~~~~~~~~~~~~~~~~~~~~~~~

امنيات _ ركضت على امي اكعد بيهه وجمال واكف مخلوس ووجهه صار اصفرر وايده رجفت انخصمت عينه ودنك عليه همس ببحه

- مسويتلهه شي

ظليت اهز بيهه واصرخ

- مااامااا.. جمال شسوويت

صاح - مسويييت شييي دفعتهه بخفه هيه وكعت

ظل مصدوم وصافن عليه بعدين ركز نتر

- عدهه سكر؟؟

- اي

- دكومي كومي جيبي جهاز السكر بساع

- وين مااندله

- بالكنتور

ركضت نفشت الكنتور وطشرت الهدوم على عرض الغرفه لكيته جوه اخذته وركضت انطيته اله وجبت مي وعطر رشيت على وجهه وهوَ قاس السكر طلع هابط

- جيبي السويج سكرهه مصفرر

جبتله السويج وشالهه للمستشفى ظليت ابجي كله من وراي لو رايحه وساكته مصار هيج بيهه انقهرت كلشش. كلساع اتصل عليه ويطمني عليهه بدلت ثوبي المشكوك وكعدت بالغرفه مكرفصه واشهك بقهر احس بلعومي تجرح

للظهر رجعو اثنينهم رحت عليهه اريد ابوسهه دفعتني ودارت وجهه عني انهضمت ونزلت دمعتي كتلهه

- حبدل اروح وياج هاهيه بعد ماابقى

جمال رفع راسه باوعلي متفاجئ اني مهتميت درت وجهي عنه ورحت لاامي ابجي وابوس بيهه اخذتهه كعدتهه بالصاله وهيَ تباولي بعتب ظليت ادلك بأكتافهه وايديهه بهدوء غمضت عيونهه ولانت ملامحهه

سمعت صياح احمد كمت للغرفه ركض لكيته واكع بالكاع ويبجي دنكت عليه

- شبيك حبيبي هسه اشيلك

- اخخ رجلي

- سوده عليه بعد عمري نسيتك والله

ظل يبجي ويصرخ اني نسيتهم التهيت بأمي وهوَ صايحلي رايد يكوم يروح للحمامات اني مسمعته ف كايم وواكع على رجله ومتأذي .

شلته للحمام غسلتله ونظفته وروحي طالعه زهكت وطاقتي خلصت.

جبته للصاله فرشتله فراش ونومته امي تباوعلي صافنه عليه واني اشتغل وابجي مليت وتعبت. احمد ظل يمسح بدموعي ونظراته تتساءل شبيه أشرلي بإيدي عود احضنيني حضنته وتچيت راسي على ظهره ومغمضه عيوني اريد اذب همومي