نوائب الدهر

6 ج2

الـسـلامُ عـلـيـكـم 🌻🌼

نوائب الدهر
عبرات_العباديه
الــبــارت_43_
alabadyia_09

امنيات _ ضربته إلي خلتني انتفض وارجف خزرته ورفعت حاجبي مصدومه نسى وعده إلي وخلفه من كاللي بعد مااضرب واتغير بس ولو ابو طبع ميغير طبعه .. سكتت بس نظراتي إله مخترقته كام يتهرب من نظراتي وظل محتار شيتصرف يلتفت يباوع للجهال وعينه عليه يباوعلي بقلق .. تنهد بنفاذ صبر ودنك شال احمد على كتفه ومشى بيه للغرفه مالتهم شويه ورجع على غسق سكتهم اثنينهم واني كعدت ع القنفة بالصالة اهز برجلي متوترة واسحب انفاس سريعه ولاهثه عصبيتي فاقت كل الحدود  واحس نفسي حنفجر.

طلع من الغرفه واني وكفت مااريد اتناقش وياه وولا اشوفه اصلاً حتى لو معنده شي بس ضربته إلي تخلي كل الحق ويايه واني شارطه عليه ايده متنرفع عليه.

ختام _ مصدكت كلامهه ابد كلت اكيد تريد تخرب بيني وبين بهاء لان هيه مبينه من بدايتهه تكرهني.. بس ليش وافقت عليه هيج فجأه؟! ظليت افكر بيهه بعقلي ومااريد اتصرف تصرف اتندم عليه من كالت كلامهه اني ابتسمت بوجهه بأستفزاز وكتلهه :

- لو كايلتلي جان انطيتهه غرفتي

- لا عيني ميحتاج اشتريتلهه احسن غرفه وازفهم احلى زفه والا اخلي عرسهم ينحلف بيه

- مهنايين

ابتسم بسخريه وهيه وجهه انطعن طعن مبينت أي شي حتى لاتلزم عليه مستمسك وتكول لبهاء مرتك تجاوزت عليه لو فد شي لا خليتهه بغلهه وقهرهه تستاهل اكثر من هيج.

ردت انزل من الدرج لاكاني بهاء صاعد شاف باب الغرفه مفتوح وهيه الغرفه قريبه ع الدرج ظل يباوع بوجهي ويباوع لاأمه وجهه انخرط وصار اصفر ركز بملامحي وظل يدقق عاد اني ابتسمت وانفرجت عكدتي مال حواجبي بس احس عيوني حيطكن من الغضب والضغط على نفسي في سبيل تخلص هالمسرحيه بسلام ولكل حادثٌ حديث .

هوَ تطمن من شاف ابتسامتي صعد لاأمه كاللهه :- شصعدج

- اجيت اشوّف..

بعدها دتحجي اني التفتت عليه وكتله :

- تلكاني جوه

نزلت لجوه يم دنيا بقينه نتعرف اكثر ونسولف رغم اعرف كلشي عن عائلتهم من امنيات بس لازم اني اعرف بنفسي لان مرات امنيات متركز على كلشي مثلي.

ظليت اجرجر بلسان دنيا واسألهه :

- انتم واعمامكم جنتو عايشين ببيت واحد مو؟

- لا كلمن ببيته من البداية وبعدهه شويه صارت خلافات ورة ما جمال اخذ الجهال من شنينه نص اعمامي طبكو وياهم ونص ويانه ف هسه ناس نحاجيهم وناس لا

- اهاا. شعجب ماتراضيتو بالمرة

- شلون يعني

- يعني انتم تنطون لااعمامج مرة لو انتم