نوائب الدهر

34

الـسـلامُ عـلـيـكـم 🌻🌼

نوائب الدهر
عبرات_العباديه
الــبــارت_34_
alabadyia_09

حـبُّـنا الذي سْـموه إثـمًا،
هل رأوا في الإثم عينيه البريئة ..؟

ختام _ بهاء وكع ع الكاع من ضربه ذاك. بعده مالايح الگاع گبل وگف على طوله مقبلهه على نفسه ذاك يوگعه بالگاع ركض على الولد رجعله الكلّة خله سنونه تتطاگگ سويه وحلگه يجري دم يابويه ياكرستيانو ياميسي كلّه اول مره اشوفهه بتاريخ حياتي الرياضي كله.

ذاك ظل يصرخ ولازم حلگه ينزف دم بهاء رجع رگعه راشدي فر راسه ورجع يضرب بيه وكل ضربه يضربهه اله يلتفت عليه عود شوفيني شلون سبع واكدر اكتب سوالي روحه هيرو.
ذاك وكف يتوعدله بكلامه :- بسيطه آني إلك اذا ماانشرهن

- ابن الكلب تجرأ وسويهه وشوف

شرد ذاك وبهاء التفت عليه رفع حاجبه عود شوفيني شردته رديت عليه بنظراتي عود والله فهمنه.. ماشاء الله كله نظرات ماكو داعي احچي كلامي سباق.

اجه من يمي واني مشيت وياه كتله :- ليش طلعتله بس تريدلك عركه

- خسيس يهددني يكلي اذا بيك حظ اطلع استفزني

- تكدر تطرده بس انته عين وعماد طلعت تدور العركات دواره

التفت عليه مستفهم وموسع عيونه انطاني اذنه عبالي يريدني اعضهه بس طلع يريد يسمع عدل كال :- شنو شنو شكلتي

- شنو؟

- عيدي اخر مقطع حجيتيه

- انته عين وعماد طلعت تدور عركات

اني گلت هاي الكلمه وهوَ شبع ضحك وجهه صار احمر ويضحك بصوته العالي الخشن گلت الامه راح تفزع من وره صوت ضحكته العاليه واني بس صافنه عليه ومصدومه شبيه هيج يضحك.. رفعتله حاجبي ونترت بيه :- شكو شبيك تضحك؟؟؟

- عين ههههههههه عين وعماد ههههه

رجع يضحك واني مصدومه شنو اليضحك بالسالفه حتى هيچ سوه روحه كلش :- شنو اليضحك بالموضوع

- هم سامعه واحد كايلج عين؟؟ لا وعماد هم وياهه ههه خرب يومج على هالضحكه بحركة گلبي هاي

- اي وشبيه المثل مالتي هوَ ابو المثل گايل هيج ومن احنه صغار اصلاً نگوله هذا المثل

- لج بابا مو عين مووو عين عمداً

- معليك بيه اني اكول عين

- لا لتكولين بعد

- وانته شعليك والله حلوه هاي واحد مربي لحيته وواحد مبتلي بيهه

- هههه بكيفج ظلي اتفشلي اكثر من فشلتج هاي

- عادي خليني من شبيت واني اسمعهن يكولون عين بعد شوكت غيرتهه بكيفك انته