نوائب الدهر

37

الـسـلامُ عـلـيـكـم 🌻🌼

نوائب الدهر
عبرات_العباديه
الــبــارت_37_
alabadyia_09
فَتحمَّل غَضَبِي و جَمرَ عواطفي
فالـحُـبُّ بـيـن حَـرائقٍ و مـزونِ
و تحمَّل طَيشي و سوءَ تَصرفي
فــالحُـبُّ لا يَحـلو بغـيـرِ جنوني

ختام _ تفاجئت من كالت امنيات :- بنت عمة لبهاء الي الحجيه تريده تاخذهه اجتي لهنا تعاركت ويايه وعركه من الروس گوه فاككونه

- عززه بعيني وبعينج !

- عزه بعينج انتي اني شكو

- لج دحجي شصار

- عرفت الي يحبهه بهاء تصير بنت عمي

- اي وشسوت دسولفي

امنيات _ واكفه بالمطبخ اساعد البنات بالغده ام حسن رادت تسوي الخضره مخليتهه اخذتهه من عدهه وظليت انظف بيهه واسولف وياهن مندمجه وام حسن تنطيني نصائح ع الحياة الزوجيه وتعلمني اكسب جمال من خلال خبرتهه بالحياة.

- الرجال يحب المرة التحسسه بتعبه وتتلكاه بالكلمه الطيبه والابتسامة اول ميرجع من الشغل

- هاي نعرفهه وداطبقهه انطيني غيرهه

- انتي بس قدري تعبه وحسسيه هوَ ابو بيتج وتضيعون بلياه واحجي بصوت ناعم من تطلبين من عنده شي

- لعد وجبار البداخلي وين اوديه

- اكو واحد يلومني هسه من اجيب عصا واكسرهه على ظهرج كولي مولية الرجال صياح

- هههههه الصراحه غير. بس اعصب يطلع جبار مو بإرادتي

- دسيطري على جبار وكلشي يصير بخير تره الحياة الزوجيه اخذ وعطا عمرهه مجانت بالعناد والعصبيه ذني كلهن يدمرنهه خليج هادئه وكله ينحل بالتفاهم

- هوَ اني هالايام كلهه ريلاكس الحمد لله مرتاحه

- شفتي شلون انتي بيدج تتحكمين بحياتج سانديه صيريله اخ واب وام وزوجه كلهن بلحظه وحده

- اني هسه....

بعدني ممكمله كلامي ودخل علينه الثور الاسترالي طفرت ذيج الطفرة من صدگ ثور محسيت الا على وحده سمرة وسمينه وجسمهه كلش ضخم توجهت عليه وتخوصرت مقابيلي ودگ ولطم اريد افتهم السالفه شنو ماكو اخذتنه بالصياح وصوتهه الخشن

- انتي وبنت عمج اخذتن خطيبي شسويتله الله ياخذجن امهات السحورة هوَ يحبني من زمان شغيره عليه شسوواه هيج غيرجن نسوان ملعبه طايح حظهه دااايحااات امهات المدارس

اني بس صافنه عليهه وحلكي مفكيته بكلمه مااريد تنگلب السالفه عليه وتطلع هيه ام الحق اعرف بنفسي اذا اغرد لو يجي جدي مااسكت بعد انلصمت فرد لصمه الحمدلله ربي من ذب عليه هالهدوء.