نوائب الدهر

18

الـسـلامُ عـلـيـكـم 🌻🌼

نوائب الدهر
عبرات_العباديه
الــبــارت_18_
alabadyia_09

أوج والـيـمـي مايــدرون
مثل شمعه بصبح روحي
مو اعمه وگمت ما شوف
بس يمكن طـفت روحـي

أعتذر عن التأخير لكن الظروف اقوى مني ومنكم

~~~~~~~~~~~~~~~~~~~~~~~~~~~~~~~~

أمنيات _ ركضنه اني وجمال مفزوعين وهوَ يركض كدامنه لكينه جوه الدرج كابه نار وبس الدخان تارس البيت كله .. ركض جمال ع الحمام واني وراه ترسنه سطولة مي ونرش ع النار وهمه ويانه كل واحد شايل دولكه صغيره على كد حجمه..نار عاليه ونايلون وغاز مال جداحات زادت النار.. الاشياء الي جوه الدرج كلهه احتركت وصارت رماد

طفينه النار واستراحينه فحطانين .. احمد وكف بعيد حط ايده على حلكه ومدنك راسه عيونه مدمعه يدري بنفسه مذنب اني أشرتله صحته الي اجاني ويباوعلي بتوسل ويلتفت على جمال عباله يحاجيه لو يعصب عليه قربته الي حضنته وحطيت راسه على صدري حسسته بالامان وهمست بأذنه

- ماكو شي حبيبي لتخاف

ضحك ووخر من حضني كال بفرح

- ماما حركتهه

كلت بنتره اقلد عليه واهز براسي

- اي عفيه بنيي البطل

- ههههه ماما والله حركتهه

- اي ادري بيك

ابوه أشرله وصاحه يمه

- تعال كلي شلون شغلتهه هاي النار

- شغلت الشمعه هناك وهنه اشتغلن كلهن

التفت عليه

- شعندج غراض جوه كومي شوفي شحترك

كمت لجوه الدرج لكيت الاحذيه كلهه صايره رماد والفرشات مال الشتا واني ضامه نص ملاعيبهم جوه الدرج وعندي شموع وغراض المطبخ كلهه تالفه لان نايلون اول ممشغل النار لاكفه الغراض البقيه وواجة النار..

حتى ملابس نوم عندي ضامتهن هنا .. طبعاً بدون علم جمال اشتريتهن .. هم بنيه واحب البس واذا هوَ شايف مرته السابقه بملابس نوم وهيَ تخونه ف هالشي ميحقله يحرمني من الي اني راغبته

من تذكرت كمت ركض لملمت كل المحتركات فوكاهن وارتبكت هوَ لاحظ ارتباكي كام واجه وكف فوك راسي يباوعلي شطلع من الحريگه دنك يريد يساعدني بدون ماحس على نفسي صحت

- لا لا لتلمس أي شييي

صفن بوجهي ومستغرب تصرفي كال

- شبيج داشيل الغراض المحتركه اشمرهه بالزبل

- عوفهن عوف اني اشمرهن من اكمل

ابتعد عني خطوتين وظل يباوعلي بشك حط ايده على خده وانتچه على محجر الدرج اني لميت كلشي بس محتاره شلون اطلعهن .. من القماش مالتهن واللون يبينن شنو اضافة الى مقدمة الصدر كلشي مبيه ممحترك حظي هذا مخلاه يحترك.