نوائب الدهر

3

الـسـلامُ عـلـيـكـم 🌼🌻

نوائب الدهر
الكاتبه العباديه
الـــبــارت_3_

"‏هل تُلْبَس الأقراط في العينين؟
ما لي أراها ترتدي ياقوتةً في عينها!."

                             alabadyia_09

~~~~~~~~~~~~~~~~~~~~~~~~~~~~~~~~

أمنيات . . .

رديت اجاني صوت خشن ومسامعته من قبل .. رجعت الموبايل على اذني وعدلت صوتي :-

- الوو .. منو؟

- أمنيات مو؟

- اي تفضل

- اريد احجي وياج

- تفضل

- لا مو بالتلفون

- لعد وين؟

- نلتقي بمكان

- اني لااعرفك ولا تعرفني شنو هالميانه هاي رأساً تريد تلتقي بمكان

- اني جمال

- جمال العالم . كلتهه بأستهزاء وهذا تخبل تحولت نبرة كلامه لعصبيه وغضب

- احترمي نفسج شنو تلقدين

- اخي ماعرفك باي

- بس اني اعرفج

- وااانيي مااعررررفك

- صوووتججج لجج

- باي باي

- والنبي اذا غلقتيه ا.....

غلقته وهوَ يحچي .. ظل يتصل واني ماارد دزلي رساله كاتب بيهه (بسيطه اعلمج) مهتميت غلقت الموبايل ورجعت نمت .

كعدت المغرب شبعانه نوم ماإلي عين انزل لجوه وميته جوع ..اضطريت انزل غصباً عليه الجوع ميتقارش ولا الاكل يتقاوم .

دخلت للمطبخ لكيت امي تگلّي اجيت حضنتهه من وره وظليت ابوس بيهه من خدها وهيَ تدفع بيه

- وخري وخري

- انتي الهوى والماي وانتي المطر والچاي

- انعم الله عليج

- هههههههههه فوك مااتغزل بيج بس والله حلوة رهمتهه الج ع الوزن والقافيه بعد شتردين

- دوخري منا وخري حتحركيني

- تصالحنه ؟

- لا

تخصرت وأهز بخصري ورافعه حاجبي

- هذا الغزل كله ومتصالحيني اليوم متنامين

ظليت احضن بيهه وابوس وهيَ تصيح انقذوني .. أشرت لسمانة تكمل الگلّي واني اخذتهه اراضي بيهه بطريقتي المزعجه .. اخر شي انتصرت وضحكتهه .. ابد مااتحمل زعل اهلي ماانام ليلي ..ادري نمت بس هذا جان نهاري مو ليلي .