نوائب الدهر

4 ج2

الـسـلامُ عـلـيـكـم 🌻🌼

نوائب الدهر
عبرات_العباديه
الــبــارت_41_
alabadyia_09

‏كان يتمسّك بها،
تلك التي اعتادت دومًا إفلات الأشياء.

امنيات _ الصبح كعدت ريكت الجهال واخذت احمد للحمام اسبحه نزعته ملابسه ولاحظت بجسم احمد اشياء خلتني انصدم واظل فاكه حلكي والخوف سره بجسمي وقشعرت .. طكعات بنفسجيه على ظهره وداير مدايرهه نقاط بنفسجي مايل على زراك وسعت عيوني بصدمه ودرته عليه سحبت ايده بيهه حبوب حجم كلش جبير ومزغزغه تريد تنفجر بس مطالع راسهه عبالك جرَب كلبي ظل يدك بسرعه بس لا مرض مو زين هذا اسم الله.

ركضت على غسق نزعتهه ملابسهه هم نفس الشي ظليت الطم هاي شنو شبيهم .. نبضاتي صارن يدكن بحنجرتي وصار عندي تسارع ركضت جبت الموبايل اتصلت على جمال بدون كلام صرخت بفزع

- جمال الحكني

- خير ياساتر

- احمد وغسق مااعرف شبيهم يمكن صار بيهم جَرب احمد كل ظهره طكع بنفسجي وغسق نفس الشي هسه اكلو جسمهم اكل يحك بيهم يمكن جرثومه تعال بسرعه

- من شوكت صارت هالاعراض

- هسه ردت اسبحهم وشفتهن

- جايج

سده مني واني ظليت افتر واطكك بأصابعي خوف وقلق وادعي ربي يسترنه وان شاء الله ماكو شي يخوف.. وصل جمال فتح الباب بمفتاحه ودخل للصاله شاف احمد متنحس ويبجي واني شايلته لان جسمه يأذيه ركض عليه اخذه مني وظل يتفحص بيه وعيونه تباوعلي بقلق

- شبيه امنيات

رفعت كتفي بدلالة ماادري

همس ولمعن عيونه :- امنيات شبييهم جهالنه

كال هيج واني كوه مصبره روحي ماابجي عن لا اخوفهم انهديت بجي وايديه ترجف

- مااعرف جمال خل ناخذهم للمستشفى

- بدلي بسرعه خل نروح

لبست صايتي وشالي وطلعنه للمستشفى منومه غسق بحضني وهوَ شايل احمد اول موصلنه فتحت الباب ونزلت لو بيدي اطير بطيارة بس علمود اوصلهم للطوارئ ويشوفولهم حل .. هوَ بعده بالسيارة واني نزلت كدامه علما يصفهه .. صَف السيارة ونزل صاير نار عض شفته التحتيه وخزرني لجوه ورفع حواجبه لفوك همس بتحذير

- بوجهج للسيارة

- شكو ليش

- لتنااااقشيني بوجههججج للسيارةةةة بساع

ظليت صافنه بوجهه رص على سنونه حيل ونتر

- يله امنياااات

- غير تفهمني شكو

- باعي لجسمج والصايه شلون لازكه عليج اجيتي بهاي القديمه مو اشتريتي جديده مااجيتي بيهه