نوائب الدهر

32

الـسـلامُ عـلـيـكـم 🌻🌼

نوائب الدهر
عبرات_العباديه
بــارت_31_
alabadyia_09

عِندما وَصفَ ضِحكتها قال :-
الأمر أشبه بِمجموعةِ أطفال صِـغـار
يَركضون نَحوي و يدايَ لا تتسعان لِـضَمّهم جَميعاً.

امنيات _ صوتهه المرتجف وصل لمسامعي خله كل خليه بجسمي تنتفض خوف وهلع من كلماتها المتزاحمه الي حتنطرق على مسامعي تمنيت اكدر اسد السماعه ومااسمع شي يخليني انصدم، تلاشت أنفاسي وحسيت بألم يقصف باب گللبي.
حجيت...
بعد عناء دام ثواني ويه أوتاري الصوتيه واني ارسللها ايعاز الكلام بس مداتعيني، طلع صوتي منخفص وبهمس خائف :

- شش... شبيج، ش..شصاي..رر

ظلت تشهك بقوة وتحاول تسحب انفاسهه المتثاقله عاطت :- الحكيني امنيات علي وصل السالفه لااخويه ويريد يكتلني

جليت صوتي وكتلهه برسميه حادة :- واني شعليه

- تعالي اتوسللج اخذيني عدكم بس يهدأ وارجع انتم محد عدكم واخوانج مو كبار امي تكدر تأمنّي يمكم حيغسلون عاري

- ششش...شنو انتي شدتحجين تتشاقين مو؟؟

- امنياااات لتلوميني فددددوه بس تعالي اخذيني داموووت تفهمين شنو داموووت اخويه اول مسد مخابرة علي ركض عليه بالسجينه جرّح جسمي كله

- لتورطنيني اديان فدوة رحتلج مااكدر طلعيني منهه شأكول لااهلي

- اهلج حبابين ميحجون شي وامج تعرف ماما احنه مو صديقات وچنتي دوم تجينه

- انتي خربتي صداقتنه من غدرتيني ويه علي وتدرين الزلم ماإلهم أمان شورطج

- اخخخ متندمه كد شعر راسي

- ميفيد الندم

- امنيات ابوس ايدج حاولي تجيني

- احجي ويه اهلي واشوف

- اي فدوه ع الاقل حاولي بس علمودي

سديته منهه وغمضت عيوني بوهن كارهه الداسويه ظليت ألوم بنفسي ليش كتلهه اشوف امي ليششش شنو هالغباء العندي !! لا والمصيبه مااتصلت بيهه وكتلهه اهلي رفضو بكل بساطه رحت فاتحت امي بالموضوع وقبلت لان هيه وامهه جانن صديقات من الكليه وبيناتهن معرفه بابا معنده أي اشكال واخذ سيارة عمي ابو غدير ورحنه جبنه اديان بغرفتي وحطيت علّه فوك علتي.

متقوقعه على نفسهه وعايشه برعب وتأنيب ضمير مو طبيعي وكلساع فازه بسبب الكوابيس الليل كله تخلصه صريخ " لتكتلني ومسويت شي " وهاي اني بس سهرانه واروح للكليه اتطوطح من النعاس والارهاق والحاله النفسيه هم إلهه دور.. ابوهه وامهه همه الي شردوهه من اخواهه الجبير لان يريد يكتلهه ابوهه جبير بالعمر ويموت عليهه لان المدلله مالته بس اخوانهه البلوة ينشالون وينرگعون لان جبتهه يمي وامهم تقنع بيهم وابوهم كلساع بالمستشفى يردوهم يهدأون ويحلفون لاابوهه ميسوولهه شي يله يرجعهه.