نوائب الدهر

21

الـسـلامُ عـلـيـكـم 🌻🌼

نوائب الدهر
عبرات_العباديه
الــبــارت_21_
alabadyia_09

انه عمري قماش بايت لا تجر بيه وتعتني

~~~~~~~~~~~~~~~~~~~~~~~~~~~~~~~~~~~~

امنيات _ كلنه مصدومين شنو اختلاس وشنو تهمه !! بابا الي عمره ممدخل لكمة حرام لبيته وخلص عمره يشتغل بس علمود يحصل وظيفته الي هسه بيهه ويعيشنه بلكمة حلال.. هسه يجي جمال افندي بكل اريحية يتهمه بأختلاس أموال ! لا مستحيل وألف مستحيل اقبلهه على بابا.. الضابط طلّع الكلبچات يريد يقيده واني ركضت حطيت روحي وي روحه صعبه اشوف ابويه يقيدونه كدامي بتهمه هو بريء منهه واصير سبب

- بابا ممسوي شي لتحطوهن بإيده

- شوية عن طريقنه خل نشوف شغلنه لو سمحتي

- داكلك بابا ممسوي شي متفهم انته

بابا خزرني وكال بحديه :- امنيااات ادخلي
جوه

- باباا...

قاطع كلامي مكمل حديثه

- معليج بهالمواضيع اني احلهه يله الكل لجوه رايح للمركز واشوف شصاير

ظلينه صافنين وملامحنه خايفة وقلقانه اخذو بابا واحنه دخلنه لجوه.. امي ظلت تلطم وتبجي واني ركض صعدت الدرج ودخلت بهمه ادور على موبايلي وصايرة نار من العصبية.. اخذت موبايلي طلعّت رقمه واتصلت عليه مرتين اتصل ميجاوب دزيتلة رسالة

- من تشوف مكالماتي جاوبني

بنفس اللحظه اتصل موبايلي برقمه رديت بعصبيه :

- الوووو

- نعم تفضلي شنو تريدين مني

تفاجئت بكمية الادب والاخلاق التساقطت من كلامه زين والله يعرف يلوت

بهدوء :- اسمعني جمال بابا معليه بينه انته زوجي غير؟ اني وياك نحل هالمشكلة ونتطلك بدون اضرار وبدون متأثر على عائلتي محد إله ذنب

- شدتحجين انتي؟؟ واني شعليه بعائلتج الكريمه

- تعرف كلش زين شداحجي

- مفهمت

تحولت نبرتي لعصبيه وصحت :- جمممااااااال

- شكووو

- بابا اخذوه الشرطه

- اه صدددك

سوه نفسه ميعرف شي وبريء كل البراءة من الصار

- ههه يعني متعرف منو وره هالتهمه المفاجئه

- لا طبعاً ومنين اعرف

- لعد والتهديد؟

- أي تهديد هذا؟

- من اتصلت بيه وهددتتتتت