نوائب الدهر

31

الـسـلامُ عـلـيـكـم 🌻🌼

نوائب الدهر
عبرات_العباديه
الــبــارت_31_
alabadyia_09

,سـألـت حبيبي فـي قُـبــلـة
فمـا نعنيــها بحكم الخــجـل
فلازمتُ صبرىَ حتى غفـا
ومُـلتْ على خـدّه بـالــقـبـل،

سمانه _ ثاني يوم الصبح كعدنه اني وحسام سويه ونزلنه تريكنه جوه تحت انظارهم عمتي ظلت رافعه نظرهه عليه وترجع تباوع لحسام وتبتسم كعد حسام يم امه صبّح عليهه وباس راسهه وبلشنه نتريگ كلنه سويه وهوَ يسولف ويضحك بواهس يوميه مغندب وميتحاچه يكعد خلكه بخشمه اليوم صار العكس وكلهم يضحكون عليه ونصبو علينه ضي وآدم عاد شيخلصنه وكعنه بإيد اكثر اثنين حشاشين بالعائلة لزمو حسام تصنيف منا لما خلص ريوگ وراح للدوام يله افتك منهم وبقيت بس اني تحت قبضة ضي كلساع غازمتلي لو مصچتمني.

راح حسام واني دنكت ألم بالمواعين عمتي نطقت بإسمي واني على تدنيگتي رفعت بس عيوني عليهه كالت والبسمه على ثغرهه :- يمه شفتي حسام شلون فرحان يسولف ويضحك هسه يله رجع الدم لوجهه

- الحمد لله عمة ان شاء الله تنذكر ومتنعاد

- ان شاء الله

كمت على شغلي غسلت المواعين وضي يمي تنسد عليه سوالف واني استمع وأهز براسي لما دخلت الهه عمتي :- گومي لشغلج ممليتي من السوالف بسچ صوتچ راح

سوت صوتهه مثل مقدمين البرامج ورفعت متنهه بغرور وگالت :- إنني مرءٌ يتعافى بالسوالف

- شلون بينه احنه من لسانچ

ضحكت واخذت مكناستهه للطارمه تكنس واني كملت المواعين صاحتني يمهه اخذت كرسيي ورحت يمهه تكنس شويه وترفع راسهه تكمل السالفه خبلناهه لعمتي اجت تضحك وتصيح علينه :- شوف شوف اجيبهه منا ترجع لهنا شلون بيچن انتن

ضي.. عمه شچلبتي بينه نريد نسولف حرام

باوعتلهه بنظرات عدم رضا وراحت بقينه اني وياهه نضحك وكملنه سوالفنه الماتخلص.

                       ****************
مرت فترة واني وحسام سمنه ع العسل رجعنه مثل قبل مدللني والهوى ميمر على خشمي اذا هوَ موجود محد يحچي ويايه وهالفتره حتى عمتي صاير تعاملهه زين ويايه بالأسابيع الاخيره صارت عندي تقيؤ بكثره وادوخ وتلعب نفسي شكيت بنفسي حامل خبرت حسام والعصر رحنه للدكتوره فحصتني وسويت تحليلات اول مطلع التحليل وگالو حامل حسام طار من الفرح گام يضحك من أعماقه وركض عليه باسني من راسي مقابيل المراجعين الي بالعياده استحيت ودنگت احس خدودي صارن نار من الخجل.. رجعنه لاأهلنه بالطريق كلساع ينزل يشتري علاگه ويحط وره بالسياره خاف اجوع بالليل اخر شي كتله :

- حسام شسالفه وين محمّل بهذا كله ادري شكالولك جوعيه

- ابني يجوع عوفيني براحتي