نوائب الدهر

4

الـسـلامُ عـلـيـكـم 🌼🌻

نوائب الدهر
الكاتبه_العباديه
الـــبــارت_4_
alabadyia_09

‏أنتِ فيّاضةٌ،
لسـتِ فوضويـة ولا مشتّته،
فـــيّاضـةٌ مـثـل الـمـواسـم

~~~~~~~~~~~~~~~~~~~~~~~~~~~~~~~~

سمانة . . .

عاط بصوت متجرح وعيونه صارن نار من العصبيه ودمارات ركبته كلهه برزت

- لججج انييي تشمرررين حلقتيي ؟

- اطلللعععع برررةةة ماااريددك

- انييي تذليننيي هيج وتطرديني؟ سماانةة باعي عليه تطررردديينيي ااني حسسساام

بعدت عيوني عن عيونه وابچي گلبي ينزف من عنده شلون راح صدگهن ركض .. باوعت داير مدايري لكيت اهلي موجودين ولا انتبهت .. كل انسان من يصير عصبي يفقد .

باوع بيه بعتب وعيونه نظرات خذلان كال :-

- مااريد اغلط بحقكم اطلع احسن

هز راسه متحسف وطلع ..اني دنگت ونزلت بالكاع ابچي ..اجتي امي عليه تواسيني وتهدي بيه بابا واكف بعيد متدخل ولا حچه اصلاً مخليني براحتي بالوقت الي آني محتاجتهم واشد عازتي الهم .

عبالك اني ادرى بمصلحتي واني اعرف شلون احجي واتصرف وي رجلي حسب تفكير امي اني محتاجه الينصحني ويدليني ع الطريق الصحيح وشلون اتصرف لان معندي خبرة.

كمت رجعت للغرفه حتى التسريحه بعدني مفاتحتهه .. لازم وره كل فرحه طيحان حظ ظليت افل بيهه بعصبيه واملش تملش وابجي بحرگه .. امنيات دخلت عليه ركضت لزمت ايديه وحضنتني تهدي بيه وتصبر .

كومتني ودخلتني للحمام وانطتني ملابس كالت اسبحي ريحي جسمج ولاتبجين

سبحت وطلعت شويه ارتاحيت .. تمددت ع السرير وصافنه بالسگف افكر شراح تصير بعد من مشكله .. باجر العرس شنگول للعالم اذا بقت على هاي المشكله نستلم فضيحه على إصولهه .

ظليت متمدده وأفكر تفكيري مشتت وتايهه .. مرت ساعه ونص وسمعت دگة الباب رأساً فزيت عدلت كعدتي وتوترت عبالك گلبي حس بيه هوَ .

امنيات ركضت تشوف الاوضاع

وره شويه دخلت كالت :-

- جاي وجايب صديقه وام صديقه

- شيسوي جاي

- شبيج سمانة شنو شيسوي تره باجر زفتكم صدك تحجين

- مااريده

- اي هسه صرتي ماتردينه

ضحكت وغمزتلي .. ضربتهه على كتفهه وكومتهه من يمي تشوف الاخبار الجديدة شنو .

ظليت واكفه يم الباب وحاطه اذني عليه بلكي اسمعلي كلمة طايرة منا منا حتى لو همسه ميخالف بس خل تدخل بأذني