نوائب الدهر

عتب

ً
السلام عليكم حبايب عندي عتب وياكم اني من نزلت القصه علمود تغلطون وتسبون لو علمود تقرون؟

ادري من حركة كلوبكم واندماجكم ويه القصه تعلقون بس ميصير هيج تردون انطو رأي ، انتقاد او نقاش بيناتكم مو غلط وشتم بالابطال ماكو احد ماسلم حتى الشخصيات المتوفيه واهل الابطال

تره اذا غلطتو او شتمتو شخص بالقصه مراح يتغير شي لان هيه احداث مرت وانتهت وصارلهه سنين بس احنه نعلق حتى يستفاد غيرنه، زين اذا غلطنه شنو راح يستفاد المقابل؟ خلو نفسكم بمكان الابطال يعني ليش اني للمره الثالثه يطلبون مني الابطال اوقف القصه؟ القصه عباره عن غلط وشتم اليريد يتعلم شلون يغلط يدخل على تعليقات نوائب الدهر

اني من كتبت القصه كتلكم اكو احداث هواي وتخليكم تنفعلون بس مو لدرجة الغلط والدعاء ع الشخصيات خصوصاً اهلهن شبعو غلط والله عيب. بعدين لو شما يسوون الاهل يبقون اهل لو شما تكون تصرفاتهم همه اهلهن ومايقبلن تغلطون عليهم

زين تقبل وحده منجن ينغلط على امهه؟ وتنوصف ب عار ، سا.. لو كح.. لو يندعي عليهه ؟
اني ماألوم بطلاتي من طلبن يوقفن القصه لان اني من الناس مااقبل احد يجيب اهلي بكلمه وهنه من نزلن القصه مو علمود يشبعون مسبه وغلط اكو شي اسمه رأي وتعليق مفيد يستفاد منه غيرج

رجاءً رجاءً كلت سابقاً وارجع واكول لاتغلطون رجاءً والله دتتسبلولي مشاكل ويه بطلاتي وهنه هم ديتسببلهن مشاكل لان اهلهن يعرفون القصه دتنزل واقاربهن يقرون وياهن ومحد جابرهن يتحملن الاهانه والغلط ويلوموهن

تناقشو بيناتكم بدون غلط واتمنى تتفهمون موقفي وتخلون نفسكم بمكاني والكلمه الطيبه صدقه.
هاي عود اني اكتب مر ولا تضر ونوهت مااريد غلط بس اني مااتدخل بتعليق احد ومطيتكم كل الحريه بالتعليق اكول خل يعلقون براحتهم مااقيدهم بس بعد منا وهيج أي تعليق بيه غلط ع الابطال انجبر اتدخل لان تفاشلت ويه ابطالي

حبيباتي مختصر الكلام اذا استمر الوضع هيج اكتب بارت يختصر النهايه لمتابعين الواتباد واكمل تفاصيلهه بالفيس لان صدك ناس تنحط ع الجرح ينطون رأي بأحترام ومقدرين مشاعر كل شخص بالقصه تره ذوله الابطال هم بشر وعدهم مشاعر ويشوفون تعليقاتكم ودتجرحوهم.

عبرت العباديه
                                            alabadyia_09