نوائب الدهر

تكمله

الـسـلامُ عـلـيـكـم 🌻🌼

نوائب الدهر
عبرات_العباديه
الــبــارت_34_
alabadyia_09

ألقـت عليَّ الـقـبضَ مشتاقــاً
لها فتحولت عصبيتي لحنـانِ

سمانه _ لبست ملابسي وطلعنه للدكتورة الطريق كله جابه يغلط على نفسه ويشتم بالعالم الميته لسانه متبري من عنده وكلساع يستغفر اني اخزره بالمراية وهوَ يرفعلي تك حاجب منا اني لعبانه نفسي من الدنيا ومنا هوَ عليه عصبي وخلگه بخشمه وفوك كل هذا بوقت عصبيته يعيط عليه ميقدر حالتي النفسيه وهرمونات الحمل والنوب ربي ذب عليه البجي تره بس واحد يطخني بجيت.

وصلنة لدكتورتي انطتني أبر ومغذي كالت خل يشدوه الج بالطوارئ رحت الهم زرفو إيدي تزرف وريد ماكو فوك ضيمي وقهري والوجع الياكل بيه ليل ونهار النوب ايدي تشككت ظليت ابجي وكل وحده يجربوهه بإيدي ألزم حسام من ايده وادور وجهي متغاضيه عن منظر الدم وهوَ يحط راسي بصدره ويهدأني بـ"لتخافين اني يمج حبيبتي"

بعدما زرفو ايدي ولعبو بحالي لعب المضمد أيس وكال لحسام :- ماكو وريد

تخبل وصار عصبي ع المضمد صاح بيه :- لعدد صارلك ساعه ليش تشكك بإيدهه اذا متعرف

- اخي شنو مااعرف هذا شغلي اكو احد ميعرف شغله بس البنيه ماعدهه وريد شسوي اخلقلها

كومت الكطن على ايدي ورحت كعدت ع السديه ظليت انحب ورجع عليه النوب صار عصبي ويصيح :- مال تاكل وتشرب لاا بس انطيها تحرك بگلب حسام اييييي بهاي شااطرة

رفعت راسي عليه كتله من بين شهگاتي المستمره :- الاكل والشرب شعليه بالوريد

- كومي كومي اني اشدهه إلج بالبيت قابل مااعرف لو جديد على هالسوالف

- دتريد تجرب بيه مو؟

لطم على راسه وصاح :- لجج بابااا شأجرب اذا مااعرف ليش اورط نفسي اني أأذي نفسي وماأأذيج

سألته والنشغه بعدهه بصوتي :- يعني تعرف؟

رمشلي بعيونه بهدوء :- اطمني

كمت من السديه واخذني هوَ گايدني من ايدي رجعنه للبيت صعدني لغرفتي گبل تمددت ع الجربايه وهوَ حضر المغذي وراح جاب الكانونه اندگ الباب راح فتحه وسمعت صوت امي گلبي طار وفرحت دخلت للغرفه شهكت من شافت الادويه والكانونه فتحت ايديهه وصاحت بصوت عالي :- يمه سمانه بنيتييي

شهكت وصحتلهه :- ماما بعد كلبييي

تقربت عليه شافت وجهي دكت على صدرهه والتفتت على حسام :- يمه شبيهه بنتيي

- الله جابج واجيتي تره بنتج شلت حالي لتاكل ولتشرب ادري تلعب نفسهه بس غير تسمع الكلمه مو والله شلت حالي

امي باوعتلي بعتب واني درت عيوني عنهه يعني شي مو بإرادتي قابل غصب واحد يجبر نفسه ياكل.