نوائب الدهر

20

الـسـلامُ عـلـيـكـم 🌻🌼

نوائب الدهر
عبرات_العباديه
الــبــارت_20_
alabadyia_09

أنه أول إبنادم گلبه ما يبرد
أنه الــمــبـيـوع سـد بــســد
أنه الـخلص حياته يگول " چاا وحد ؟

~~~~~~~~~~~~~~~~~~~~~~~~~~~~~~~~~~~~

سمانه _ رجفه سرت بأنحاء جسمي وجلدي قشعر من شفت قطعة الدم مثل الكبدة حجمهه وسط بمكاني ! اول مرة اشوف هيج حالة والنوب مرت بيه ! ظليت اصرخ بإسم حسام وابجي اريد احد يصعدلي ماكو كلهه كاعده جوه وميسمعون صوتي.. طلعت من الحمام وامشي ببطئ على كيفي ومااحرك كف رجلي بس اطراف اصابعي امشي عليهن وصلت لموبايلي إتصلت على حسام ودموعي تصب من الخوف جاوب عليه واني حجيت بصوت يرجف مليء بالرجفه :-

- حساام الحكني دانزف

حسام.. شنووووو

- اصعدلي بسرعه

حسام.. جاااي

لحظات وصار يمي شاف حالتي انخبص وظل يصيح بعلو صوته خلاني ازيد بجي واخاف اكثر من خوفي

- لجج اهددددي لتبجييين

- حسام ابني ماات واني داموت وووراه

- لا لا ماكو شي حبيبتي بس خل اجيب شي الفج بيه لتخبصيني

ظليت اشهك واتقطع ألم بطني موتتني واحس قطع تتشلع من بيت الرحم مالتي.. ركض جاب عباية لفني بيهه وشالني طلع بيه يركض لجوه حطني بالسيارة وطار بيه للمستشفى. طول الطريق يسب ويلعن بأهله وبحظه ولازم ايدي يهدّأ بيه واني منتهيه حتى مااكدر الزم ايده واضب عليهه لان حيل ماعندي.

وصلنه للمستشفى وهوَ صاح للممرضات يجيبن سديه ينقلنّي للردهه.. نقلوني بسرير وبعد محسيت بشي.. أُغمى عليه من الالم.

كعدت على هدوء عارم يحيط بيه فتحت عيوني بغرفة معزوله لوحدي ظليت اتلفت بالغرفه محد يمي.. شوية دخل حسام جايب عصير برتقال واكل.. تقرب عليه كعد يم السديه مد ايده ودخل اصابعه بأصابعي وظل يمشي اصبعه برقة على اطراف اصابعي. غمضت عيني لحركاته الهادئه تعزف على أوتار كلبي وتقهرني ونزلت دمعتي على طفلي همس بإذني :-

- الحمد لله على سلامتج حبيبتي.. العمر كدامنه ونسوي جهال مو جاهل واحد

نزلت دموعي وهوَ وجهه مطعون طعن من القهر وعيونه صايرات حمر رغم هذا ديهون عليه.. دخلو اهلي وراه تحمدولي على سلامتي.. الطفل مات والعوض بالله

كلت لحسام :- اني اريد اطلع من المستسفى اروح ارتاح يم اهلي كتلتني ريحة الديتول

- شنو ليش يم اهلج وبيتج شبيه

- مااكدر اروح لهناك احتاج عناية ومااكدر اشتغل وألمس شي بهذا وضعي

- منو كاللج اشتغلي. عادي لتشتغلين اذا ع الاكل اني اجيبه جاهز واهتماماتج بيه اني اسويهن لنفسي وين جنت قبل لتجين