الـسـلامُ عـلـيـكـم 🌻🌼
نوائب الدهر
عبرات_العباديه
تكملة الـبـارت_22_
alabadyia_09
" گطرة گطرة . .
إعله الشبابيچ العتيجه
طـاحـن الدمعـات مـني "
~~~~~~~~~~~~~~~~~~~~~~~~~~~~~~~~~~~~
جمال _ اجو اهلهه واعمامهه يطلبون مني اطلكهه وابوهه صار عصبي ويصيح عليه وحتى تجاوز هوَ مريض واني عصبي مكدرت اسكت واني اشوفه يتهمني بإلقاء القبض عليه صاح :
- اني ماادري بيك عبالك عود دتريد تسويلنه كرصة اذن ومن هاي سوالفك حتى نسحب طلب الطلاك
- ممجبور اسوي شي مرتي مااطلكهه
- تطلك ورجليك على راسك
- ماكو شي اسمه رجليه على راسي كله بكيفي وكله بالتفاهم اذا تريد تعارك ف متحصل مني شي
- والله وطالع لسانك ياجمال
- ليش اني معندي لسان مثلاً
امي خزرتني ودكت ع الكاع بعوجيتهه صاحت
الحجيه.. اسمعو مني زين مرت ابنّه خليهه يمكم فترة ترتاح وشوكت متحب نرجعهه
- بنتي مترجع هاهيه بعد طلاك ثم طلاك
الحجيه.. ابو حيدر ماكو شي ينحل بالعصبيه روح لبيتك وحط راسك ع المخده وفكر بمستقبل بنتك اذا يسبق اسمهه كلمة مطلكه ماتسلم من العيون تره هذا مجتمعنه حاط دائرة حمره عليهه كلهه تريد تستغلهه احنه عايشين بغابة لتدمر بيت بنتك بلحظة عصبيه
- اخليهه تعيش بنص الذيابة ولا ارجعهه اله رب الرجال اليضرب راس مرته بالحايط شتترجين منه؟؟ مفكر بيه هوَ راس لو طوبة وديلعب بيهه
- ساعة عصبيه
- هاي الحجه متفيدني صارت قديمه تنكث تراب
الحجيه.. ابو حيدر انته مو تريد تختبر منو احسن حجة لا احنه نريد نتفاهم
- ماكو تفاهم بنتي تتطلك من جمال يعني تتطلك
- شلون تتطلك ووراهه جهال اثنين
ضحك بعلو صوته وكعد على ركبة صار مثل الواكف ويهز بإيديه
- ههههه والله حلوه هاي مال الجهال كافلين بيهم شنو هذا ابوهم وروحو شوفو امهم وين. مخلفهم وناسيهم فضل مني وخليتههه يمه واني دريت عنده جهال منو يسويهه بلة
جمال.. واذا عندي جهال لااول واحد ولا اخر واحد قابل عيب لو بالحرام جبتهم رجال متزوج زواج شرعي كدام الله ورسوله وخلفتهم بالحلال ليش نابذيهم وكأنما شايفين شوفة تخوف وكلهه تصيح جهالك جهالك حتى مليت كدما سمعت هالمصطلح
- اي جهالك آمنتُ بالله عديتهه الك وخليتهه يمك لان هيَ رادت وعلمود ابنك واحترمتك وخليتلك قدر بس انته رفست نعمتك برجلك
أنت تقرأ
نوائب الدهر
عاطفيةأَنــا قيلولة ذاتي .. أنــا ظهيـرةُ أَيامي لايـقــدرُ الـزمـان عـلـى كـســري . . . أَغصـانـي صلـبـه . . مشاعـري جامحـه . . كنـتُ عـكـازة نـفسـي . . . لــٰـكـن لـوهـلــة :- وجدتُ نفسي ضعيفةٌ أَمامك أحــنُ إلــىٰ مــاضـي يـربـطـنـا ألـومُ نوائب كانـَ...
