نوائب الدهر

بارت إضافي

الـسـلامُ عـلـيـكـم 🌻🌼

نوائب الدهر
عبرات_العباديه
بــارت إضـافــي
alabadyia_09

وإذا تعـبـان!
شگ الغيم ، دوّرني
ترة البي شوگ بي هِمة.

ختام _ إستقام وتركني اعاني صدمة طفيفة بهاللحظه مريت بأصعب موقف بحياتي إجتاحتني مشاعر خجوله خربطت كياني وحسيت مشاعري تكتلت نحوه الأفكار المتشابكه داهمتني ورأساً تخيلت الموقف ابويه كاعد بالاستقبال وكدامهم ابو كعكوله يطلب ايدي يااابويه من هسه عرگت من المستحى ولا عبالك داخله كليه ومصارحيني ابدد اليشوف ملامحي يكول هاي اول مرة.

ظليت صافنه بوجهه وهوَ يقاوم بشدة انفراح تكشيرة ملامحه، حاصرته الضحكه بس كاتمهه بضغطته على شفافه وعاصرهن بكل قوتة هز ايده وهمس :- شبيچ؟

رمشت بعيوني مرات متتالية داريد استوعب اني ختام اصير خطيبة بهاء لا ممعقوله ولا دخلت عقلي هالسالفه ابدد خل اجيب درنفيس وازرف عقلي وادخلهه احسن لان مامش فايده على كولة بيبي.

بلعت ريك ورفعت عيوني لان وكف وصار متعلي عليه عيونه متسلطه عليه بشغف ومنتظر جوابي متحمس رفعت كتفي باللامبالاه وحاولت اسيطر على ملامحي لان فشلنّي وصخمن وجهي جلّيت صوتي وحجيت بنبرة خجوله :

- احمم انته تندل بيت اهلي

ابتسم :- اي اندله بس اريد جوابج موافقه لو لا؟

- معليه اني تعال لاأهلي وشوف

ضحك بإستغراب ورفع حاجبه مستفهم :- يعني متقبلين بيه اذا اتقدم؟

رجعتله رفعة الحاجب قابل بس هوَ عنده حواجب يرفعهن حتى لو ثخينات ومتعجب بيهن يبقن حواجبي احلى.. شلون لوتي يريد يفر السالفه ويسحب لساني يشوف ردة فعلي اني هم ألوت منه وفاهمه اليدور بعقله :

- تقدم واشوف عود

- آه شتشوفين صارلج شكد تداومين ويايه معرفتيني

- لا معرفتك

- اني اذا اخلي وحدة ببالي اخذهه تره

- ختام مو أي وحده

- وهذا الشي الي خلاني استقتل عليج

دنگت راسي وهوَ يضحك لان احس وجهي ديدخن وإذاني مداحس بيهه بحيث الحرارة صاعده فوول عندي اني هم مستغربة من نفسي مو الا هوَ.

كال :- حتموتين من المستحى باع خدودج شصار بيهن

رفعت ايدي تلمست خدي صاير نار شي اكيد صخنت من وره شكلك مگابلني وگاعد چنك ابو الذنيب.

وكفت على طولي ونزلت عدلت الكعب لان انلوت رجليه ومدري شصار بيه تخربط ستايلي الي خلصت عمري مهتمه بيه ويجي هباءً منثوراً بكل سهولة يخرب ستايلي لماذا ياهذا !