نوائب الدهر

9

الـسـلامُ عـلـيـكـم 🌻🌼

نوائب الدهر
عبرات_العباديه
الــبــارت_9_
alabadyia_09

قواريرٌ نحـنُ ، لا نجرحُ إلّا إذا كُسِـرنا

~~~~~~~~~~~~~~~~~~~~~~~~~~~~~~~~

أمنيات_ عيوني جاحظه وفاتحتهن على وسعهن وانفاسي تسارعت بداخلي مشاعر مؤججه ولهيب من النيران الملتهبه ركزت على الجهال بنظرات مذهوله والتفتتله

- شنو جهالك فهمنييي؟؟؟؟؟

رفع اصبعه السبابه على حلكه وهمس

- اشش صوتج مااسمعه خلستيهم تعالو بابا تعالو

توجه عليهم لزمهم من ايديهم كعدهه بوسط الصاله وفتح باب الغرفه الثانيه طلعلهم العاب خلاهه كدامهم واجه عليه سحبني من ايدي ودخلني للغرفه مالتنه اني امشي وراه وعيوني صافنه عليه سحبني. برهاوة جسمي مشيت وياه للغرفه دخلني وسد الباب همس

- اسمعيني زين ذوله جهالي وانتي امهم وماعندي غيرج زوجه

- هيَ شنو وين عايشين غير تفهمني شنو جهاااااالك

- صوتج لييعللى

- ليش مكلت ليششش

همس

- متقبلين بيه

- طبعاً مااقبل طبببعاً ماابقى لحظه وياك والله لو اموووت

مشيت بحرگه ردت اطلع من الباب فتحته سحبني ودارني عليه ثبتني وطبكني ع الباب عاط

- مو تشووفيني انطيتج مجااال غصبااً عليجج تبقين وتعتبريهم جهالج واذا تأذيهم اطلع روحجج

يحجي بتهديد وكل كلمه يضغط على ايدي ونبت اصابعه بالعظم دفعته عني مكدرت جثيث وضخم بجيت ودموعي صارت تندار على خدودي

- وخرر عني وديني لااهلي كلشي مفهمت من حياتي تريدني اربي جهال غيري هسه لو ع الاقل شهر وصادمني مو من اول يوم البارحه تصيح بإسم حبيبتك وهسه تصدمني بجهالك

- حبيبتي منو؟

- شنينه

وجهه تحول لنار فجأه ودمارات ركبته برزت شال ايده حطهه على حلكي ورصهه بقوه حسيت شفايفي انطبعن على اسناني واللحم تمزق بجيت من قوة لزمته وظليت ادفع بيه نتر

- اسمهههه متجيبيه على لساااانججج

عافني ورجع لوره ظليت لازمه حلكي وابجي بقهر حطيت اصبعي على شفتي طلع باصبعي دم عطت بيه

- شوف حالي شوفه هذا منظر عرووس بصباحيتهه

- اي وشسويلج جهالي تقبليهم

- حط نفسك بمكانني تقبللل اني هسه اكلك قبلك مطلكه وعندي جهال تقبلهم انته ؟؟؟؟ ليششش بس انيي اقبل ليشش !