نوائب الدهر

35

الـسـلامُ عـلـيـكـم 🌻🌼

نوائب الدهر
عبرات_العباديه
الــبــارت_35_
alabadyia_09

أشكر كل شخص راسلني سئل عليه ودزلي التعازي أعتذر عن غيابي المفاجئ لكن مافي اليد حيله ان شاء الله مااقصر عليكم واعوضكم عن االايام الفاتت

سمانه_ ظليت متفاجئه من نبرته ويايه وشنو المصيبه الوگعت على راسي مرة ثانيه يعني ميمر كم شهر مرتاحه اذا متتنغص فرحتي ويطيح حظي بهالمشاكل الي متخلص حاولت اهدأه بكلمات تطيب گلبه :

- حبيبي ليش عصبي اهدأ على كيفك ويه نفسك

- لج ياعلى كيفي حتخبل اني حتخبببل

- سولفلي شنو شصار

حسام_ اول مدخلت للچادر مال الزلم شفته مليان شيوخ معگله وشياب والاقارب كلهم موجودين دورت على عمي سلمت عليه وعزيته وتقدمت بالجادر مااعرف أي شخص غريب لاگاني جلال ابن عم سمانه وبأعتباره الجبير الهرفه وابن الجبير الغبير رحت عليه داريد اسلم ابتسمت بوجهه ومديت ايدي مصافحني ظل يباوع لاإيدي بإشمئزاز وعبالك منقرف مني.. تفشلت ونزلت ايدي قبضتهه بكل قوتي فشلان واخرج جزء من عصبيتي بيهه قبل لاارفعهه وانزلهه براشدي على وجهه الشيطاني وجهي احسه يريد يطگ من إهانته إلي تبادلنه النظرات الحاقدة وهوَ وكف خزرني وبغضب نتر :

- هلا بريم الفلة شنو اشتريتوهه لبنت عمي لافاااتحه لاعرس لتخليهه تروح لبيت اهلهه شمفكر نفسك انتتته

رفعتله حاجبي وحجيت بحذر وموسع عيوني لان ديجيب طاري عرضي بنص الجادر  :- مرتي واني حر بيهه معليك انته خليك بعيد عن حياتنه

- شنو معليه هيه تايهتلك

صحت بغضب :- والله اذا متسكت اجي ادوسك بالقندرة شنو انته نعاليش وتحجي بمرتي كدام الزلم

اجه ابو سمانه على صوت الصياح رزله اله هم :- شبيك جلاللل احنه هسه بفاتحه احترم شويه

وكف بوجه عمي صاح واعصابه ترجف

جلال.. عمي كله منككك شكد ردت بنتك وطلبناهه منك وانته انطيتهه للغريب هاي لهذا الغريب وذيج المزيونه هم راحت للغريب بنات عمنه وحلالنه انطيناهن لناس منعرف شنو ماشنو

حسام.. شنو قصدك متعرف شنو ماشنو؟؟ شكالولك عنّه كو.... التفتت على عمي نترت
- عمي هذا شديحجيي

- سوالف قديمه تعال بوية تعال ويايه عوف هاي الناس التنبش بالماضي اعتذر منك وامسحهه بوجهي

صحت بصوت عالي :- الرجال يجي يوكف بوجهييي ويطگهه طگ بطگ مو يلمح

طلع جلال من الجادر وولد عمه لزموه من ايديه ويتوسلون بيه يعديهه على خير بس اني ابد مقتنعت بكلامهم شو شعنده وديحجي هيج خله عقلي يفتر ومنا اني عقلي ماشاء الله شايف مصايب وعجايب بالشغل.