نوائب الدهر

25

الـسـلامُ عـلـيـكـم 🌻🌼

نوائب الدهر
عبرات_العباديه
الــبــارت_25_
                                                    alabadyia_09

" غمض عيونك يگلبي
وانـتـه تشـوف زيــن "

~~~~~~~~~~~~~~~~~~~~~~~~~~~~~~~~~~~~

سمانه _ انفاسي تثاقلت واختنكت احس شي جثيث كعد على صدري وخنكني ضغطت على رگبتي واحاول اسحب انفاسي كتلني القهر اول مجاوبني كال :

- هلو ياروحي

بلشت اصرخ واقسم وهوَ صافن ساكت

- حسااام تلزم بنت عممككك الك... لا والله العب بيكم جووولةةةة والله افضحكم لتخليهه تجي لبيتنه شتريد مني بعد دمرررتننيي الله ليوفقكم حوبتي تسحك وتلحك وراكم

- شك.....

بعده محاجي واني سديته بوجهه ظل يتصل واني مااجاوب مل وسكت بعد مااتصل اني انهاريت اصرخ وابجي شعري تناثر بخصلات لامعه ونازله على وجهي ومن وره متكور كباية منفوشه واشهك بابا اجه يركض حضنّي وظل يمسد على راسي يهّدأ بيه

- لتبجين حبيبتي والله العظيم أي شي ترديه يصير محد يجبرج وهذا حسام اني إله اذا مااندمه فلا اتسمى بإسمي

- دمروووني والله بس يحركون بكلبي

ورة دقايق اندك الباب اني كاعده بحضن بابا ومشدده قبضتي على مقدمة دشداشته راد يكوم يفتح الباب لزمته ودفنت راسي بصدره اطلب الامان كامت امي فتحت الباب وصار صوت عياطهه قوي يوصل النه

- شلون بيكم انتم شتردون من بنتي شترددون دمرتوهه كافي عوفوهه تردون تموتهه فهموووني؟؟؟ تطلع بنت عمك منا تجي انته منااا شترررييد

- مرايد شي بس احجي وياهه كلمتين

- حسسااام تروح منا لااخابر النجده يجون ياخذوك

حجه بنبرة استهزاء وكملهه ضحكته بسخريه وكال :- نسيتي اني رجل قانون اني النجده بذاتهه ومرايد شي كتلج بس كلمتين احجيهن وياهن واروح

فوتته للاستقبال واني كمت متحاميه كفيت شعري وشديته ورحت للاستقبال اجي بابا ورايه منطيني حرية التصرف، التفت على اهلي وكالهم :- عمي بس كلمتين وحدنه

بابا باوعلي اومأت له بالقبول وراحو اني ظليت واكفة بالباب تجتفت ورفعت حاجبي كتله بنتر :

- لازم اجيت تكملهه لان بنت عمك الس.... مكفت باوع حسام تره واصله لهناااا
"رفعت اصبعي على جبيني أشرت بحركه"
اذا متروح منا هسه اكتل نفسي واخلص منك ومنهه واخليكم براحتكم ولكم انتو شنوووو؟؟؟؟ اشايفين نفسككمم

طفر عليه سد حلكي بإيد والايد الثانيه خلاهه وره راسي قيّد حركتي وثبتني بإيديه وصاح بعلو صوته وعيونه نطن من مكانهن :