الـسـلامُ عـلـيـكـم 🌻🌼
نوائب الدهر
عبرات_العباديه
الــبــارت_22_
alabadyia_09
وَدّي ابعِدّ
وَدّي أفك باب السَنين السودّه وأشردّ
~~~~~~~~~~~~~~~~~~~~~~~~~~~~~~~~~~~~
سمانه _ جسمي تعبان من الضرب وراسي يأذيني ومنا معدني تگلب واتقيء
كلهه بكوم ومن كلت (گ...يد) ودعيت عليه بكوم ثاني.. يعني سمعني من غلطت عليه وعلى اهله وعلى عشيرته مخليت واحد مغلطت عليه طلعت قهري كله بالغلط على هالعائله السگط نزلت بيهم غلط وصياح وماادري بعده واكف بالبلكونه ويسمع كلشي.. مااشوفه غير رافس الباب بقوه ووجهه صاير دم اجه عليه ركض رفعني من الكاع لزمني من اطراف دشداشتي حط وجهي قريب لوجهه وعيونه صايره نار اني انتهيت من الخوف صاااح بصوت عالي حسيت الكاع تزلزلت
: منو الگ...يدددددد ساااافلةةة !!
ظل يضرب بيه بقوه ويرفع ايده بضخامتهه وصلابتهه وينزلهه على بشرة خدي الطرية احس نار صارت تطلع من خدودي ومكان الراشديات ديخدر بالتدريج. صار ينتقل بضرباته لااماكن متعدده من جسمي لو يحندني على ظهري لو يلزمني من رگبتي.الحركه الي اتخبل منهه اعصابي كلهه تفلت من يلزمني من علباتي ويضغط على العظم مااعرف شنو نيته يريد يكطع الحبل الشوكي لو شنو! ظليت اقاومه بكل ماعندي قوة اريد اخلص منه ماكو انتهيت حيلي خلص وهوَ ماتعبان من الضرب ويصرخ ويضرب بقوتة نهاني على إيديه.
ضربة من الضربات خلصتني منه.. ضربني بقوة على ظهري خلاني اوكع بالكاع اني هنا لكيت النجاة رأساً زحفت ع السريع فتحت الباب مال الغرفة وشردت نافذه بريشاتي.. ركضت للمطبخ دخلت وطبكت الباب عليه لان حديد اقوى شي ميكدر يكسره ومينفتح الا بالمفتاح.. بيبان الاستقبال والصاله مهددات بالكسر هذا الباب الوحيد الي يكدر يحميني.
انتچيت عليه وكعدت بالكاع مددت رجليه وظليت اشهك بقوة وانحب بلاعيمي تشحطت ولازمتني گحه ظليت اگح بقوة وابجي اختنكت ووجهي احتقن ركضت ع السنك غسلت وجهي ورفعت راسي ع المرايه شفت ملامحي صايرة خريطه.
جوه عيني اليمنى كله صاير بنفسجي على زراك ومورم بشكل مخيف وبقية وجهي صاير احمر ومتخدر من الضرب.. شلون الممرض من يضرب الايد بقوة وبحركات متتاليه علمود يظهر الوريد ويشدون بيه كانونه هيج هوَ سوه بيه بس الممرض ارحم والضربة تكون خفيفه وسريعه هذا لا بكل ماعنده قوة يضربني.
ظل يضرب ع الباب ويفلش بيه
- افتحي الباب والله اليوم ااازوعج ددددم اطلّع العافيه من عيونج "صار يضرب الباب اقوى ودخل بحالة هستيريه بس يضرب دفر بالباب ويصرخ" حيوووانةةة افتحييي
صار صوت ادم وهوَ يدگ بالباب ويصيح :- حسسسام شبيك تخبلت هاي شصااايرر
فتحله الباب ودخل ادم كعدو بالصاله وهوَ يگله :
أنت تقرأ
نوائب الدهر
Любовные романыأَنــا قيلولة ذاتي .. أنــا ظهيـرةُ أَيامي لايـقــدرُ الـزمـان عـلـى كـســري . . . أَغصـانـي صلـبـه . . مشاعـري جامحـه . . كنـتُ عـكـازة نـفسـي . . . لــٰـكـن لـوهـلــة :- وجدتُ نفسي ضعيفةٌ أَمامك أحــنُ إلــىٰ مــاضـي يـربـطـنـا ألـومُ نوائب كانـَ...
