الـسـلامُ عـلـيـكـم 🌻🌼
نوائب الدهر
عبرات_العباديه
الــبــارت_42_
alabadyia_09
فـي الغرفـة الصـغيـرةُ الضيّـقـة
أعوي كعاصفـةٍ وأغـرّدُ كـسُنبـلـة
أنـا في الغرفة الصغيرةُ الضيّقة:
نهـرٌ مكسور ..
وأحيانًا أُمة مُضطهِـدة !
حسام _ أكثر شي أذتني بيه من خلت صورتهه ع الفايبر ظليت افور انشال وانركع قررت أنتقم منهه واخليهه عرفت شلون تحركني بس اني اعرف شلون اخليهه تتحرمص مدام سوت بيه هيج مردودة الهه وتعرف كلش زين اذا حطيتهه براسي اجيبهه.
طلّعت كل صور عرسنا وحركتهن كسرت الصور مالتهه الي بغرفتنه مخليت شي يخصهه مااريد اضعف واتذكرهه حاولت اتخلص من كل ذكرياتهه واريد اتخلص من لعنة حبهه .. هاي افضل طريقة علمود مااتذكرهه.
حاجيت ضي وكلتلهه خل توصللهه خبر اني مااريدهه وكالت ضي ممصدكه وتكول جذب حسام يحبني .. صحيح مثل مكالت اني بس حجي لان من نرجع للصدك اعشق الانفاس التاخذهه بس أذتني كلش من اخذتهه لهسه مشفت راحه اذا اريد احسبهن يطلعن شهرين ارتاحينه بيهن والباقي كله عرك ومشاكل.
عقابي هالمره وياهه قاسي ولازم اسويلهه جرة إذن حتى تعرف اني مو هين ومو بكيفهه شوكت متريد تزعل وشوكت متريد ترجع وتعودت اروح كل مرة اتوسل بأهلهه علمود يرجعوهه إلي. اني لو مااحبهه والبيت يخنكني بفراكهه مااروح وولا اخطي خطوة اصلاً.
مر كم شهر واني ألوب عليهه منا حامل ومنا نفسيتهه تعبانه تفكيري كله يمهه هيه من جانت يمي ومهتم بيهه كلساع متخربطه مو الا هسه اني بعيد عنهه والله أعلم مداريهه لو لا.
سمانه _ بعدما رزلتني ضي وخلت عقلي يفكر بحسام والقلق والتوتر أكلني هوَ صار عنده ضغط من وراي بأول مشكله ألنه صار عصبي كلش وطك خشمه دم من عدهه وكام كلما يعصب ينزف خشمه ويرتفع ضغطه كلش ينتهي.. اذا صار بيه شي مراح اسامح نفسي ابد وضميري يبقى يأنبني شلون هسه من صار بيه ضغط اني ظليت أأنب بنفسي وآكل بروحي اكل.
ظليت اتصل على ضي متجاوب مخليت كلمة مسبيتهه بيهه اتصل واروح وارجع بالغرفة اغلط عليهه
- خرب يومج ضي جاووووبي اخخ ياالله فدوه اروحلك خل تجاوبني سهللي امري
متت قلق ويه كل دكه احس كلبي حيوكف .. أيست لما شمرت الموبايل وكعدت ع الجرباية حطيت إيدي على خدي وتفكيري يم حسام ومنظره من ديحرك بصور عرسنا وصوري ابد ميروح من بالي ليش هيج سوه؟؟ احلى ذكرى إلنه هيه هاي حتى من عدهه حرمني ليش؟؟
ورة ساعه اني ممدده وامشّي إيدي على بطني بهدوء وارسم عليهه دوائر اتصل الموبايل طفرت ذيج الطفره ركضت على موبايلي لكيتهه ضي جاوبت بدون سابق إنذار
أنت تقرأ
نوائب الدهر
Romanceأَنــا قيلولة ذاتي .. أنــا ظهيـرةُ أَيامي لايـقــدرُ الـزمـان عـلـى كـســري . . . أَغصـانـي صلـبـه . . مشاعـري جامحـه . . كنـتُ عـكـازة نـفسـي . . . لــٰـكـن لـوهـلــة :- وجدتُ نفسي ضعيفةٌ أَمامك أحــنُ إلــىٰ مــاضـي يـربـطـنـا ألـومُ نوائب كانـَ...
