نوائب الدهر

12

الـسـلامُ عـلـيـكـم 🌻🌼

نوائب الدهر
عبرات_العباديه
الــبــارت_12_
alabadyia_09

آياك ان تموت ياقلبيٖ لنكمل الحياة معاً !

~~~~~~~~~~~~~~~~~~~~~~~~~~~~~~~

أمنيات_ دموعي صبت وگلبي ظل يدك ع السريع وايديه ترجف كل جسمي سارت بيه رعشه وخوف عطت بيه واحس نفسي انهاريت.

- عززه جمال شلللوون انكسرت

- امنيات لتسألين شلون الولد يريدج هسه شسوي انيييي

- جايه جايه بس انته وين

- بالبيت صبينه رجله واجينه

سديت التلفون وركضت بساع لبست شالي وعبايه فوكاه وبساع لبست جواريب ونزلت لجوه لبابا دخلت عليه للاستقبال مداهمه ودموعي تصب فزز وعيونه تشخصت عليه واني احجي بساع

- بابا احمدد انكسرت رجله

- يااحمد

- بابا احمد

- ياااحمدد شبيجج انتي مخبله

- ابنييي

- حامل؟؟

- باابا ابن جمال

- ها ها اي وشسويله

يحچي ببرود ومضيق عيونه عليه ورافع حواجبه واني داخلي تسعر نار قطعت احشائي ومستعجله كلبي صاير نار عليه لهسه اتذكر شكله من طلعت شلون فرفح وهوَ منا كلش نحس ويتنعوص مثل منكول صحت

- بابا اخذني

- رجلج اكسرهه اذا وصلتي

- بابا احمد معليه طفل تعرف شنو طفل

- لا مااعرف

- بابا حباب فدوه الله يخليك

- كتلج ماكو روحه اكعدي واسكتي اخذي راحتج

ظليت ابجي بتعب

- يريدني

- شعليه بيه واذا رادج

- لتصير قاسي خطيه محتاجني يمه

باوعلي ورجع دار وجهه تقربت يمه لزمته من زنده وهمست

- بابا فدوه الله يخليك

نتر ايدي وصاح

- الله واكبر مو بت انتقااام كومميي كدامي كوومي

ضحكتت ودموعي على خدي وكفت وطلعنه بتكسي وصلنه واني كلبي يركض كبل رجليه دكيت الباب بقوه ارگع بيه ترگع طلع جمال باوعلي وباوع وراي شاف بابا نصه وفتح الباب علمود ندخل.. دخلنه لجوه وهمه وراي فتت للصاله لكيته متمدد ع الفراش مغمض عيونه ورافعين رجله على تكيه دمعت عيني.

تقربت منه حطيت ايدي بهدوء على شعره وظليت امسد عليه محجر عينه كله دموع ويون وهوَ نايم.