نوائب الدهر

تكملة

الـسـلامُ عـلـيـكـم 🌻🌼

نوائب الدهر
عبرات_العباديه
تكملة البارت_40_
alabadyia_09

‏الحُبُّ وَردٌ من الرحمنِ نقطفُـهُ ،
والعابـثونَ بهِ يجنونَ أشواكـاً.

ختام _ نفذت خطتي ورحت للمخزن طلعت السم مال الصرصر هذا بس نرشه بالبيت تهجم علينه الحشرات اخذته وركض لغرفته رشيت جوة الجربايه وبالحمام مالته امشي وارش على كيف ومبتسمه .. اني الك تشوه وجهي بسيطه كملت المهمه على أتم وجه وطلعت من الغرفه بكل براءة وولا كأنما مسويه شي رحت لفيت شعري وغيرت ملابسي .. غسلت وجهي زين والآثار مال الضرب بدت تظهر على وجهي ضيقت عيني ع المرايه ورصيت شفتي حيل مختنكه من منظري بس فرحانه لان مستكتت عن حقي وادري بعد شوي شحيصير.

يله عادي اكبر وانسى .. كعدت بالصالة حطيت رجل على رجل وابتسم بشماته ظليت منتظره للّيل وكمت شردت لغرفتي طلّعت ورقه مال رسم وكتبت بيهه " ختام ماتت " اخذت اللاصق لزكته ع الباب ورجعت لغرفتي دخلت وسديت الباب قفلته بتلث طكات وفتت تمددت ع السرير وميته ضحك .

غمضت عيوني وبقيت منتظرة النتيجه وصدك شويه وكب الصياح .. كام يصرخ بعلو صوته :- لججججج ختتتااام صخاااام الله يياااااخذج

ظل يركع بباب غرفتي النوب توه صلحه بابا خفت عليه كلبي راد يوكف بس ميخالف خليه سمعته قره اللوحة بصوت عالي ودفر الباب :- اذا مو ختام تموت لوحدهه اني اموتهه بس خل تطلع

شبعت ضحك عليه واني بغرفتي متشمته .. ورة شويه رجع يدك ع الباب

- لجج افتحييي الباب لفيني بغرفتج حقيرة هسه وين انطمررر محد يقبل انام يمه

ظليت ساكته وولا اسمع اذن تسمع والثانيه تطلع .. دك الباب وصرخ لمن مل واني منطيته اذن الطرشه لما راح .. سنحت بالكاع وضحك تستاهل والله ازيد من هذا اني ختام تضربني وتسحل بيه الكاع حتى دشداشتي لكيتهه وصخه كانس بيه الغرفه الحقير.

بنفس اللحظه خابرتني امنيات رديت عليهه كالت :

- حضري البشارة

- شكو خير ياطير

- بشارتج عيني الحجيه قبلت باجر جاييكم خطابه

- صدددددك

- والله العظيم باجر جاييكم

ضحكت بصوت عالي وشهكت وكفت ع الجرباية مالتي وظليت اطفر واضحك وامنيات ناصبه عليه

- شبيهه هاي البنت تخبلت

- لج امنيات مدااصدددك

- عززة بعينج ولج طلعتي كاتله روحج

- لعد شلون

- هلو هلو اني من شفتج تقلدين عليه وتتسألين غسلت ايديه منج وعرفتج وكعتي