الـسـلامُ عـلـيـكـم 🌼🌻
نوائب الدهر
عبرات_العباديه
الـبــارت_7_
alabadyia_09
قلبّي إلي يتباهىٰ بصلابتة
ارتـخـىٰ أول مَا لـمـحتِـك.
~~~~~~~~~~~~~~~~~~~~~~~~~~~~~~~~
أمنيات_ ظليت كاعده بالكاع لازمه رجلي وأصيح بشهگه بابا فتح الباب بسرعه فحطان يركض جان ع الدرج عباله شو شصار بيه اجو اهلي وراه يركضون ووجوهم مخطوفه وصللي بابا وجهه مليان قلق وخوف وصاير احمر دنك لمستوايه وسألني بنبرة قلق
- شبيجج
بجيت من الخوف
- بابا جمال سوه حادث
كام من يمي وغمض عيونه كعد ع السرير وظل يتنفس بقوه ركضت امي انطته كلاص مي وفتحت صدر دشداشته لان اختنك من صعدة الدرج
صعبه حيل من واحد قبل شويه متعارك وياه ويكلك هيج وبعدهه تسمع هالخبر احسه حيموت وضميري يبقى يأنبني لان راح مباريني الذمه كمت اسحل برجلي سحل تأذيني لبست صايتي فوك ملابسي ولفيت الشال شلون مجان وبابا هدأ اخذنه تكسي اني وياه ورحنه للمستشفى الكالو عليهه بالاتصال
كلبي يدك حيل احس صار عندي تسارع كد التوتر الشايلته بذيج اللحظه اكثر موقف رعبني بحياتي مااريد اعيش تأنيب الضمير.. طول الطريق افكر شنو حالته هسه شنلكاه
نزلنه ابو التكسي بباب المستشفى رحت اچرخ بشحاطة امي وبدون جواريب ماطلعلي شي غير الشحاطه لان بسرعه تنلبس زين ومااجيت بنعالي ابو الاصبع.
راح بابا يتسأل عن رقم غرفته اجه بإيده ورقه رحنه لرقم الغرفه الي هوَ بيهه لكينه الامه مكلوبه بالباب واني نص شعري طالع وحالتي مبهذله .. حاولت ادخل شعري بالشال بس يرجع يطلع لان ناعم.
ظليت ادير بعيوني اريد احد اعرفه شفت الحجيه كاعده ع الكراسي ومنصيه راسهه بتعب توجهت عليهه عيوني تحجي قبل لساني اريدهه تطمني شو هيَ رفعت راسهه وشافتني تخبلت مثل الفزت كامت على حيلهه بغضب وموسعه عيونهه عاكدة حواجبهه نفس العكده والخزرة سبحان الله للحظه تخيلته هوَ
اجت عليه تقربت مني سلمت على بابا وخزرتني جرتني من ايدي حسيت اصابعهه نبتن بالعظم
نترت بيه بغضب
- شتسووين جايه يمصخمه
- ششنو شسوي غير جمال سوه حادث
كلتهه ونزلت دمعتي هزت ايدي اللازمتهه ونترت
- لاتكلبيهه مناحه فوتي رجعي لااهلج لايكعد جمال يكلب الدنيا على راسي وراسج
- اريد اشوفه
عضت شفتهه بحرگه ونترت
- ولج وين تشوفينه هاي الزلم كلهه هنا وشوفي حالج بيمن جايتني خل يكعد ويشوفج هيج شوفي شيسوي
أنت تقرأ
نوائب الدهر
Romanceأَنــا قيلولة ذاتي .. أنــا ظهيـرةُ أَيامي لايـقــدرُ الـزمـان عـلـى كـســري . . . أَغصـانـي صلـبـه . . مشاعـري جامحـه . . كنـتُ عـكـازة نـفسـي . . . لــٰـكـن لـوهـلــة :- وجدتُ نفسي ضعيفةٌ أَمامك أحــنُ إلــىٰ مــاضـي يـربـطـنـا ألـومُ نوائب كانـَ...
