الـسـلامُ عـلـيـكـم 🌻🌼
نوائب الدهر
عبرات_العباديه
الــبــارت_26_
alabadyia_09
"ريح تاخذني لكتر وتردني ريح
كلشي ماكو بكلشي ماكو اعثر وطيح "
~~~~~~~~~~~~~~~~~~~~~~~~~~~~~~~~~~~~
امنيات _ ظليت صافنه وكل شعر جسمي كزبر واني اشوف اديان حاطه إيدهه بإيد ولد ومشبكه اصبعهه الصغير بإصبعه ويتمشون وكلساع يعدللهه شالهه ويلمس جسمهه عادي وولا خايفين ظليت صافنه والصدمه تعتلي ملامحي هاي صديقتي المؤدبه المينسمع صوتهه المتنطي مجال لليصارحوهه ويانه هيج تطلع متوقعت ابدد !
دانصدم بالناس واحد بعد واحد وهالشي يمكن دينطيني دروس وعبر انو ماانطي ثقتي لأي بشر بالكون ! ويوم بعد يوم داكتشف نفسي غبيه وهالشي أذاني اسوء شعور ع الانسان هذا.
دنكت وكملت طريقي بدون مااخليهه تشوفني وتنتبهلي وصلت للكليه وخلصتهه تصفن.. كعدت ع المسطبه وصافنه ورة شوية فزيت على صيحتهه إلي وضربتهه الخفيفه على متني وكعدت بخفه يمي وسحبت الملزمه من حضني ودنكت تقره وتحجي :- الصفنه مو الج خيه
سوت روحهه تقره واني التفتت عليهه رافعه حواجبي وصافنه أمواج حيرة بتفكيري تاخذني وتجيبني انتبهت على صفنتي او بالأحرى ،،خزرتي الهه،، باوعتلي وعقدت حواجبهه مستغربة ملامحي
- شبيج هيج تباعيلي
هزيت راسي وغمضت عيوني احاول اسيطر على ملامحي المصدومه
همست :- مبيه
- لا انتي اليوم ماادري شبيج متعاركه ويه أحد من اهلج
- لا اسم الله
- لعد شبيج
نهرتهه بنبرة عاليه :- كتلج مبيه شي
هزت راسهه وسكتت اني سحبت ملزمتي منهه ودنكت اقره بس ابد مو يوم الملزمه عقلي مشتت وافكر.. عقلي انترس افكار متزاحمه ولازم احجي ماكدر اسكت.. حجيت بسرعه والكلمات تتسابق بينهه منو تخرج اول وحده :- اديان شعندج ويه علي ؟
التفتتلي وصفنت عليه متفاجئه من سؤالي وسعت عيونهه وهزت راسهه بتساؤل :
- ليشش
- شنو ليش اني داسئلج جاوبي
- اي ليش تسألين
- مو هالأيام نظراتج كثرانه إله وعبالك مرتبطين
حنت راسهه لمتنهه بدلع وشبه ابتسامه لاحت على شفافهه
- تكدرين تكولين هيج ههه
- شلون يعني عندج علاقه وياه؟ طكت روحي ومتحملت برودهه وتأخرهه بالرد وتلاعبهه بأعصابي٠ نترت بيهه " هسه غير تحجيييي"
أنت تقرأ
نوائب الدهر
Romanceأَنــا قيلولة ذاتي .. أنــا ظهيـرةُ أَيامي لايـقــدرُ الـزمـان عـلـى كـســري . . . أَغصـانـي صلـبـه . . مشاعـري جامحـه . . كنـتُ عـكـازة نـفسـي . . . لــٰـكـن لـوهـلــة :- وجدتُ نفسي ضعيفةٌ أَمامك أحــنُ إلــىٰ مــاضـي يـربـطـنـا ألـومُ نوائب كانـَ...
